قىسقى وليمپيادانىڭ جابىلۋ سالتاناتىندا ميحايل شايدوروۆ قازاقستان تۋىن ۇستاپ شىقتى.

يتاليانىڭ ۆەرونا قالاسىندا ميلان–كورتينا-2026 قىسقى وليمپيادا ويىندارىنىڭ جابىلۋ سالتاناتى ءوتتى. ءراسىم ەكى مىڭ جىلدىق تاريحى بار، يۋنەسكو تىزىمىنە ەنگەن ارەنا دي ۆەرونا امفيتەاترىندا ۇيىمداستىرىلدى.

سپورتشىلار شەرۋىندە قازاقستان تۋىن التىن مەدال يەگەرى، مانەرلەپ سىرعاناۋشى ميحايل شايدوروۆ ۇستاپ شىقتى.

بۇل وليمپيادادا قازاقستان اتىنان 36 سپورتشى 10 سپورت تۇرىنەن سىنعا ءتۇسىپ، ءبىر التىنمەن مەدال كەستەسىندە 19-ورىن الدى.

سالتانات سوڭىندا وليمپيادا تۋى فرانتسياعا تابىستالىپ، 2030 جىلعى قىسقى ويىنداردىڭ وسى ەلدە وتەتىنى جاريالاندى. 2026 جىلعى وليمپيادا الاۋى ليۋدوۆيكو ەيناۋدي اۋەنىمەن ءسوندىرىلدى.

Abai.kz