ورتالىق رەفەرەندۋم كوميسسياسىنىڭ مۇشەسى ميحايل بورتنيك 12,5 ميلليون قازاقستاندىق جاۋاپ بەرەتىن سۇراقتى جاريالادى، دەپ حابارلايدى Ulysmedia.kz.

ميحايل بورتنيكتىڭ ايتۋىنشا، رەفەرەندۋمدا ازاماتتارعا ءبىر عانا سۇراق قويىلادى.

— «2026 جىلعى 12 اقپاندا بۇقارالىق اقپارات قۇرالدارىندا جاريالانعان قازاقستان رەسپۋبليكاسىنىڭ جاڭا كونستيتۋتسياسىنىڭ جوباسىن قابىلدايسىز با؟» جاۋاپ نۇسقالارى: «ءيا، قابىلدايمىن»، «جوق، قابىلدامايمىن»، — دەپ وقىپ بەردى ميحايل بورتنيك.

داۋىس بەرۋ ءۇشىن ازاماتتار كوك ءتۇستى سياسى بار قالاممەن تاڭداعان جاۋابىنىڭ قاسىنداعى شارشىعا بەلگى قويۋى قاجەت.

جاڭا كونستيتۋتسيانى قابىلداۋ جونىندەگى رەفەرەندۋم 2026 جىلعى 15 ناۋرىزدا وتەدى. وسك بەكىتكەن كۇنتىزبەگە سايكەس، ۇگىت-ناسيحات ناۋقانى ءۇش كۇنگە سوزىلادى. 14 ناۋرىز — تىنىشتىق كۇنى، 15 ناۋرىز — داۋىس بەرۋ كۇنى. داۋىس بەرۋ قورىتىندىلارى 21 ناۋرىزدان كەشىكتىرمەي رەسمي تۇردە جاريالانادى.

Abai.kz