استانا. 24 قازان. قازتاگ – قازاقستان پرەزيدەنتى نۇرسۇلتان نازارباەۆ تۇركياعا جاساعان رەسمي ساپارى بارىسىندا تۇرىك بيزنەسمەندەرىن قازاقستان ەكونوميكاسىنىڭ ءار ءتۇرلى سالالرىنا بەلسەندى ينۆەستيتسيا سالۋعا شاقىردى، دەپ حابارلايدى پرەزيدەنت ءباسپاسوز قىزمەتى.

وسى ساپاردى قورتىندىلاپ تاراتقان حاباردا ايتىلعانداي، جۇما كۇنى ەلباسى ستامبۇل قالاسىنىڭ كونگرەسس-ورتالىعىندا وتكەن مەملەكەت باسشىلارىنىڭ قازاقستاندىق-تۇركيالىق بيزنەس-فورۋمىنا قاتىستى.

بيزنەس-فورۋمدا ءسوز العان تۇركيا رەسپۋبليكاسىنىڭ پرەزيدەنتى ابدوللا گۇل «قازاقستان پرەزيدەنتىنىڭ تۇركياعا ساپارى بارىسىندا ەكى ەل اراسىنداعى ستراتەگيالىق ارىپتەستىك تۋرالى شارتقا قول قويىلعانى تاريحي وقيعا بولدى» دەپ ۇلكەن باعا بەردى.

- ءبىزدىڭ اتاجۇرتىمىز – قازاقستان. ەشقاشان اتاجۇرتتى ۇمىتقان جوقپىز. سوندىقتان دا 17 جىلدان بەرگى ارمان-تىلەگىمىز بولعان تۇركى كەڭەسى قۇرىلدى. ونى قۇرۋعا باستاماشى نۇرسۇلتان نازارباەۆ بولدى. ونىڭ باسشىلىعىمەن قازاقستان حالىقارالىق ارەنادا ماڭىزدى رولگە يە. كەلەشەكتە تۇركيا كاسىپكەرلەرى قازاقستانعا ءوز ۇلەستەرىن قوسقىلارى كەلەدى،- دەدى تۇركيا پرەزيدەنتى ا. گۇل.

ءوز كەزەگىندە مەملەكەت باسشىسى ن. نازارباەۆ قازاقستان مەن تۇركيا اراسىنداعى ساۋدا-ەكونوميكالىق، ىسكەرلىك بايلانىستاردىڭ جىلدان-جىلعا نىعايىپ كەلە جاتقانىنا توقتالدى.

استانا. 24 قازان. قازتاگ – قازاقستان پرەزيدەنتى نۇرسۇلتان نازارباەۆ تۇركياعا جاساعان رەسمي ساپارى بارىسىندا تۇرىك بيزنەسمەندەرىن قازاقستان ەكونوميكاسىنىڭ ءار ءتۇرلى سالالرىنا بەلسەندى ينۆەستيتسيا سالۋعا شاقىردى، دەپ حابارلايدى پرەزيدەنت ءباسپاسوز قىزمەتى.

وسى ساپاردى قورتىندىلاپ تاراتقان حاباردا ايتىلعانداي، جۇما كۇنى ەلباسى ستامبۇل قالاسىنىڭ كونگرەسس-ورتالىعىندا وتكەن مەملەكەت باسشىلارىنىڭ قازاقستاندىق-تۇركيالىق بيزنەس-فورۋمىنا قاتىستى.

بيزنەس-فورۋمدا ءسوز العان تۇركيا رەسپۋبليكاسىنىڭ پرەزيدەنتى ابدوللا گۇل «قازاقستان پرەزيدەنتىنىڭ تۇركياعا ساپارى بارىسىندا ەكى ەل اراسىنداعى ستراتەگيالىق ارىپتەستىك تۋرالى شارتقا قول قويىلعانى تاريحي وقيعا بولدى» دەپ ۇلكەن باعا بەردى.

- ءبىزدىڭ اتاجۇرتىمىز – قازاقستان. ەشقاشان اتاجۇرتتى ۇمىتقان جوقپىز. سوندىقتان دا 17 جىلدان بەرگى ارمان-تىلەگىمىز بولعان تۇركى كەڭەسى قۇرىلدى. ونى قۇرۋعا باستاماشى نۇرسۇلتان نازارباەۆ بولدى. ونىڭ باسشىلىعىمەن قازاقستان حالىقارالىق ارەنادا ماڭىزدى رولگە يە. كەلەشەكتە تۇركيا كاسىپكەرلەرى قازاقستانعا ءوز ۇلەستەرىن قوسقىلارى كەلەدى،- دەدى تۇركيا پرەزيدەنتى ا. گۇل.

ءوز كەزەگىندە مەملەكەت باسشىسى ن. نازارباەۆ قازاقستان مەن تۇركيا اراسىنداعى ساۋدا-ەكونوميكالىق، ىسكەرلىك بايلانىستاردىڭ جىلدان-جىلعا نىعايىپ كەلە جاتقانىنا توقتالدى.

- ءبىز كەزىندە ۇلتتىق قورعا مول قارجى جيناپ، سونىڭ كومەگىمەن الەمدىك داعدارىستان شىقتىق. ەل ەكونوميكاسىن كوتەرۋگە 19 ميلليارد دوللار قاراجات سالدىق. سونىڭ ناتيجەسىندە 400 مىڭ جاڭا جۇمىس ورىندارىن اشىپ، الەۋمەتتىك سالانى كوتەردىك. مىسالى، زەينەتاقى مەن شاكىرتاقىنى 25 پايىزعا كوبەيتتىك. اۋىل شارۋاشىلىعى سالاسىنا قوماقتى قارجى قۇيدىق. ول ءوز ناتيجەسىن بەرىپ، ءبىز 23 ميلليون توننا استىق جيناپ وتىرمىز. بۇل رەكوردتىق كورسەتكىش.

داعدارىستان كەيىنگى كەزەڭدە تابيعي رەسۋرستارعا باي قازاقستان ودان ءارى وركەندەي تۇسەدى،- دەدى مەملەكەت باسشىسى ءوز سوزىندە.

ەلباسى ن. نازارباەۆ قازاقستان 2010 جىلدان باستاپ جاڭا ون جىلدىق يندۋستريالدىق-يننوۆاتسيالىق باعدارلامانى جۇزەگە اسىرۋعا كوشەتىنىن اتاپ ءوتتى. ءبىزدىڭ ەلىمىز جەتى ۇلكەن سالا بويىنشا ەكونوميكالىق ورلەۋدىڭ جاڭا جولىنا تۇسەتىنىنە كەڭىنەن توقتالدى. اتاپ ايتقاندا، قازاقستاندا اۋىل شارۋاشىلىعى، قۇرىلىس، ەنەرگەتيكا، حيميا، فارماتسەۆتيكا سالالارى، ينفراقۇرىلىم، مەتاللۋرگيا داميتىنىنا تۇركيالىق بيزنەسمەندەر نازارىن اۋداردى. «سىزدەر وسى سالالارعا ينۆەستيتسيا سالىپ، بيزنەستەرىڭىزدى وركەندەتىڭىزدەر. بىزدە وعان تولىق مۇمكىندىكتەر بار، مەن سوعان شاقىرامىن» دەدى مەملەكەت باسشىسى ءسوزىن اياقتاي كەلە.

ەلباسى ن. نازارباەۆ انكارا قالاسىندا تۇركسوي حالىقارالىق ۇيىمىنىڭ شتاب-پاتەرىنە كەلدى. وندا مەملەكەت باسشىسى اتالعان ۇيىمنىڭ جۇمىسىمەن تانىستى. سونىمەن قاتار، ۇيىمعا مۇشە مەملەكەتتەردىڭ وكىلدەرىمەن اڭگىمەلەستى. وسى شارا بارىسىندا پرەزيدەنت ن. نازارباەۆقا «ەۋرازيا» وردەنى تابىس ەتىلدى.

ودان كەيىن قازاقستان باسشىسى №1 انكارالىق يندۋستريالدى ايماعىنداعى نىساندارمەن، «ارچەليك-بيكو» ەلەكترو-تەحنيكالىق زاۋىتتىڭ ونىمدەرىمەن تانىستى.

23 قازاندا، تۇستەن كەيىن پرەزيدەنت ن. نازارباەۆ باستاعان قازاقستاندىق دەلەگاتسيا ستامبۇل قالاسىنا ۇشىپ كەلدى.

قازاقستان كوشباسشىسىنىڭ رەسمي ساپارىنىڭ باعدارلاماسى وتە تىعىز ءارى مازمۇندى ءىس-شارالارعا تولى بولدى. اتاپ ايتقاندا، ستامبۇلدا ن. نازارباەۆ تۇركيانىڭ ءىرى كاسىپكەرلەرىمەن ەكىجاقتى كەزدەسۋلەر وتكىزدى. ەڭ الدىمەن ەلباسى استانا قۇرىلىسىنا ينۆەستيتسيا سالعان تۇركيالىق ءىرى كاسىپكەر، وكان ۋنيۆەرسيتەتى قامقورشىلىق كەڭەسىنىڭ پرەزيدەنتى بەكير وكانمەن كەزدەستى. ءبىرىنشى بولىپ ءسوز العان ب. وكان:

- ەۋرازيا ايماعى ءۇشىن كوپ ەڭبەك سىڭىرگەندىكتەن، مەن نۇرسۇلتان نازارباەۆتى جاڭاشىل، رەفورماتور دەگىم كەلەدى. ويتكەنى، ول ەلدەر اراسىنداعى ىنتىماقتاستىقتى دامىتۋعا، حالىقتىڭ بىرلىگىن نىعايتۋعا زور ۇلەس قوسىپ ءجۇر. ءبىز قازاقستان پرەزيدەنتىنىڭ باستاماسىمەن قۇرىلعان تۇركسوي ۇيىمىن ودان ءارى دامىتۋعا اتسالىسامىز. ۋنيۆەرسيتەت سەناتى نۇرسۇلتان نازارباەۆتىڭ وسىنداي ەڭبەگىن جوعارى باعالاي وتىرىپ، «وكان ۋنيۆەرسيتەتىنىڭ تۇڭعىش قۇرمەتتى دوكتورى» اتاعىن بەرۋدى ۇيعاردى،- دەپ ن. نازارباەۆقا قۇرمەتتى اتاقتى تاپسىردى.

ەلباسى سونداي-اق «چالىك حولدينگ» كومپانياسىنىڭ باسقارما توراعاسى احمەت چالىك، «كيبار حولدينگ» كومپانياسىنىڭ باسقارما توراعاسى الي كيبار، «حەدەف اليانس» كومپانياسى ديرەكتورلار كەڭەسىنىڭ توراعاسى ەتحەم سانجاك، «چۋكۋروۆا حولدينگ» كومپانياسى ديرەكتورلار كەڭەسىنىڭ توراعاسى مەحمەت قارامەحمەت جانە «فيبا حولدينگ» كومپانياسى ديرەكتورلار كەڭەسىنىڭ توراعاسى حيۋسن وزيەگين سىندى تۇركيا رەسپۋبليكاسىنىڭ ءىرى كاسىپكەرلەرىمەن كەزدەسىپ، ولاردى سەرپىندى دامىپ كەلە جاتقان قازاقستان ەكونوميكاسىنا ينۆەستيتسيا سالۋعا شاقىردى.

قازاقستان ليدەرى «باۋىرلاس تۇركيا ەلىنە جاساعان ساپارىم وتە تابىستى ءوتتى» دەپ رەسمي ساپاردىڭ قورىتىندىسىنا جوعارى باعا بەردى، دەپ كورسەتەدى ءباسپاسوز قىزمەتى.