حالىقارالىق EXPO كورمە ورتالىعىندا ءداستۇر مەن تەحنولوگيا توعىسقان ەرەكشە ينتەراكتيۆتى الاڭ ۇيىمداستىرىلدى. ەڭ تارتىمدى لوكاتسيالاردىڭ ءبىرى AI Sport ايماعى بولدى. مۇندا كەز كەلگەن ادام تسيفرلىق كومەكشىلەرمەن بىرگە سپورتتىق جارىستاردا ءوز كۇشىن سىناپ كوردى، دەپ حابارلايدى ەلوردا اكىمدىگىنىڭ رەسمي سايتى.

سۋرەت: استانا قالاسىنىڭ اكىمدىگىنەن الىندى.

قوناقتاردىڭ ەرەكشە نازارىن روبوت-قاقپاشى اۋداردى. استانالىقتار پەنالتي سەرياسىندا ءوز شەبەرلىكتەرىن سىناپ، قارسىلاس رەتىندە ادام ەمەس، ينتەللەكتۋالدى ماشينامەن باق سىناستى.

سۋرەت: استانا قالاسىنىڭ اكىمدىگىنەن الىندى.

روبوت دوپتىڭ تراەكتورياسىن لەزدە تالداپ، ويىندى ءبىر مەزگىلدە ءارى قىزىقتى، ءارى تەحنولوگيالىق ەتتى.
سپورتتىق باعدارلاما زاماناۋي ازىرلەمەلەر مەن ۇلتتىق داستۇرلەردى ۇشتاستىردى. كەلۋشىلەر تەحنولوگيا كومەگىمەن جاڭاشا بەيىمدەلگەن قازاقتىڭ ۇلتتىق ويىندارى – قازاقشا كۇرەس، اسىق اتۋ جانە ت.ب. سىناپ كوردى. بۇل سالت-داستۇرلەرگە جاڭا قىرىنان قاراۋعا مۇمكىندىك بەردى.

سۋرەت: استانا قالاسىنىڭ اكىمدىگىنەن الىندى.

ينتەراكتيۆتى ايماق مەرەكەنىڭ نەگىزگى قىزىقتى ورىندارىنىڭ بىرىنە اينالىپ، يننوۆاتسيالاردىڭ ءداستۇرلى سپورتتى جاڭعىرتىپ، قوناقتاردى ناۋرىز اتموسفەراسىنا ەنۋىنە قالاي ىقپال ەتەتىنىن كورسەتتى.

سۋرەت: استانا قالاسىنىڭ اكىمدىگىنەن الىندى.

ەسكە سالا كەتەيىك، «ناۋرىزناما» ونكۇندىگى اياسىندا ەلوردادا 200-دەن استام ءىس-شارا – كونتسەرتتەر مەن ماستەر-كلاسستاردان باستاپ ۇلتتىق ويىندار، جارمەڭكەلەر جانە اسەرلى سالت-داستۇرلەرگە دەيىن ءوتىپ جاتىر.

Abai.kz