الەمدىك نارىقتا Brent ماركالى مۇناي باعاسى 2,3%-عا ءوسىپ، $115 پسيحولوگيالىق مەجەسىنەن استى. جىل باسىنان بەرى ەتالوندىق سۇرىپ باعاسى رەكوردتىق 90%-عا قىمباتتادى، ونىڭ ىشىندە تەك ناۋرىز ايىنىڭ وزىندە كوتيروۆكالار 50%-دان استامعا سەكىردى، دەپ جازادى Bloomberg.

Brent ماركالى مۇناي فيۋچەرستەرى 2,74%-عا كوتەرىلىپ، باررەلىنە $115,66 قۇرادى. امەريكاندىق West Texas Intermediate (WTI) مۇنايىنىڭ باعاسى $102,56 دەڭگەيىندە قالىپتاستى، بۇل الدىڭعى ساۋدا سەسسياسىمەن سالىستىرعاندا 2,93%-عا جوعارى.

اناليتيكتەر وتكەن دەمالىس كۇندەرى حۋسيتتەردىڭ تاياۋ شىعىستاعى قاقتىعىسقا ارالاسۋىنان كەيىن ينۆەستورلاردىڭ اسكەري وپەراتسيا تەز ارادا اياقتالادى دەگەن ۇمىتىنەن ءبىرجولا ۇزىلگەنىن ايتادى. Vantage Global Prime ساراپشىلارىنىڭ پىكىرىنشە، نارىق جاڭا كەزەڭگە وتۋدە، وندا جەتكىزۋ تىزبەگىنىڭ ءۇزىلۋ قاۋپى باعانىڭ نەگىزگى درايۆەرىنە اينالماق.

Abai.kz