28 اقپاندا باستالعان اقش-يزرايل-يران ۇشتىگى اراسىنداعى سوعىس ءالى جالعاسىپ جاتقانى بەلگىلى. ول جۋىردا توقتاي قويۋى دا ەكىتالاي. ءتىپتى، حارك ءۇشىن شايقاسقا ۇلاسۋى دا انە-مىنە دەپ وتىر…

ال كەشە اق ءۇيدىڭ ءباسپاسوز حاتشىسى كەرولاين ليۆيتت بۇيدەدى:

- دونالد ترامپ يرانعا قارسى اسكەري وپەراتسيانى ءارى قاراي جالعاستىرۋ ءۇشىن اقش-تىڭ شىعىندارىن اراب ەلدەرىنە وتەتۋ يدەياسىن تالقىلاپ جاتىر، - دەدى.

ونىڭ سوزىنشە، ترامپ بۇل تۋرالى تۇپكىلىكتى شەشىم ءالى قابىلداماعان، بىراق مۇنداي يدەيا بار جانە بۇل ۇسىنىس ترامپتىڭ قىزىعۋشىلىعىن تۋدىرىپ وتىر.

ساۋديادا بەن سالمان دەگەن مىقتى بار. تاق مۇراگەرى. سول بەن سالمان قويار دا قويماي، ترامپتى يرانعا قارسى سوعىستى جالعاستىرۋعا يتەرمەلەپ وتىر ەكەن.

«The New York Times» سولاي دەپ جازادى. ساۋد ارابياسىنىڭ مۇراگەر حانزاداسى بەن سالمان اقش پرەزيدەنتى ترامپتان يرانعا قارسى سوعىستى جالعاستىرۋدى تالاپ ەتۋدە. ول امەريكا مەن ءيزرايلدىڭ اسكەري وپەراتسياسىن تاياۋ شىعىستى قايتا تۇلەتۋدىڭ «تاريحي مۇمكىندىگى» دەپ سانايدى-مىس.

«The New York Times» باسىلىمى جازعانداي، بەن سالمان يراندى پارسى شىعاناعى ەلدەرىنە تونگەن «قاۋىپ» دەپ اتاپ، بۇل ماسەلەنى تەك بيلىكتى قۇلاتۋ ارقىلى شەشۋگە بولاتىنىن العا تارتقان.

وسىعان دەيىن: ومان اقپاراتتىق قۇرالدارى ترامپ پارسى شىعاناعى ەلدەرىنە يرانمەن سوعىستى جالعاستىرۋ ءۇشىن شوت ۇسىنعانىن جازعان...

ناقتىراق ايتساق، ترامپ پارسى شىعاناعى ەلدەرىنە ەكى ءتۇرلى شوت ۇسىنعان. ءبىرى - يرانمەن سوعىستى جالعاستىرۋدىڭ قۇنى (5 ترلن دوللار). ەكىنشىسى ۇرىستى توقتاتۋدىڭ قۇنى (2,5 ترلن دوللار).

ال «The Washington Post» گازەتى: «پەنتاگون كونگرەسستەن يرانداعى وپەراتسيانى جالعاستىرۋ ءۇشىن 200 ميلليارد دوللاردان استام قاراجات سۇرادى»، - دەپ حابارلاعان.

قاراجاتتىڭ ءبىر بولىگى تاۋسىلىپ جاتقان ماڭىزدى قارۋ-جاراق ءوندىرىسىن شۇعىل ارتتىرۋعا باعىتتالۋى ءتيىس.

Abai.kz