زاڭسىز كاسىپكەرلىك قىزمەتپەن اينالىسقان ترانسۇلتتىق قىلمىستىق توپتىڭ مۇشەسى رەسەيدەن ەكستراديتسيالاندى.

باس پروكۋراتۋرا مەن ىشكى ىستەر مينيسترلىگىنىڭ ينتەرپول ۇلتتىق ورتالىق بيۋروسىنىڭ قىزمەتكەرلەرى، قازاقستاننىڭ رەسەيدەگى ەلشىلىگىنىڭ قولداۋىمەن ترانسۇلتتىق قىلمىستىق توپ قۇرامىندا زاڭسىز كاسىپكەرلىك قىزمەتپەن اينالاسقانى ءۇشىن قىلمىستىق جاۋاپتىلىققا تارتۋ ءۇشىن رەسەي فەدەراتسياسىنان قازاقستان ازاماتى ەكستراديتسيالاندى.

كۇدىكتى، 2023 جىلى رەسەي فەدەراتسياسىنىڭ اۋماعىنا شىعارىپ ساتۋ ماقساتىندا، قازاقستان اۋماعى بويىنشا اكتسيزدەلەتىن تاۋارلاردى (تەمەكى) سايكەستەندىرۋ قۇرالدارىنسىز زاڭسىز ساقتاپ، تاسىمالداعان. ناتيجەسىندە، اكتسيزدىك سالىقتىڭ قازاقستان بيۋدجەتىنە تۇسپەگەن قاراجات 1 ميلليارد تەڭگەنى قۇراعان.

كۇدىكتى قىلمىس جاساعاننان كەيىن جاسىرىنعان، وسىعان بايلانىستى حالىقارالىق ىزدەۋ جاريالانعان. 2025 جىلعى ساۋىردە ول رەسەيدە ۇستالىپ، باس پروكۋراتۋرانىڭ سۇراۋى بويىنشا قازاقستانعا ەكستراديتسيالاندى.

قازىرگى ۋاقىتتا كۇدىكتى تەرگەۋ يزولياتورىنا قامالدى. ايىپ تاعىلعان قىلمىستار ءۇشىن مۇلكى تاركىلەنىپ، ون ەكى جىلعا دەيىن باس بوستاندىعىنان ايىرۋ جازاسى كوزدەلگەن.

Abai.kz