قازاقستاندا مەكتەپ ءبىتىرۋ كەشىنە قويىلاتىن تالاپتار ناقتىلاندى. ەندى اتتەستات تابىستاۋ ءراسىمى تەك ءبىلىم بەرۋ مەكەمەسىنىڭ ءوز عيماراتىندا ءوتۋى ءتيىس دەپ حابارلايدى Ertenmedia.kz.

وقۋ-اعارتۋ مينيسترلىگى مەن ىشكى ىستەر جەرگىلىكتى اتقارۋشى ورگاندارمەن بىرلەسىپ، مەكتەپ ءبىتىرۋ كەشىن ۇيىمداستىرۋ تارتىبىنە ناقتى وزگەرىس ەنگىزدى. وسىناۋ وزگەرىستەر وقۋشىلاردىڭ قاۋىپسىزدىگىن قامتاماسىز ەتۋ، ولاردىڭ قۇقىقتارىن قورعاۋ جانە قۇقىقبۇزۋشىلىقتاردىڭ الدىن الۋ ماقساتىندا قابىلدانعان.

مينيسترلىك مەكتەپ ءبىتىرۋ كەشتەرىن ءبىلىم مەكەمەسىنەن تىس جەردە وتكىزۋگە قاتاڭ تىيىم سالدى. سونداي-اق تۇلەكتەردەن، ولاردىڭ اتا-انالارى مەن زاڭدى وكىلدەرىنەن قارجى نەمەسە باسقا دا ماتەريالدىق قۇندىلىقتار جيناۋعا ءۇزىلدى-كەسىلدى جول بەرىلمەيدى.

جەرگىلىكتى اتقارۋشى ورگاندارعا ەشقانداي قارجىلىق شىعىندى قاجەت ەتپەيتىن تاربيەلىك جانە مادەني-اعارتۋشىلىق ءىس-شارالاردى ۇيىمداستىرۋ مىندەتى جۇكتەلدى. سونىمەن قاتار ءتۇسىندىرۋ جۇمىستارى كۇشەيتىلمەك. ال ىشكى ىستەر ورگاندارى ءبىتىرۋ كەشتەرى كەزىندە قوعامدىق ءتارتىپ پەن تۇلەكتەردىڭ قاۋىپسىزدىگىن قامتاماسىز ەتۋ بويىنشا قوسىمشا شارالار قابىلداۋى ءتيىس.

ايتا كەتەلىك، بۇعان دەيىن الماتىلىق اتا-انا پرەزيدەنت توقاەۆقا ۇندەۋ جولداپ، مەكتەپ ءبىتىرۋ كەشىنە قاتىستى ماسقارانى جايىپ سالعان ەدى.

شاعىم اۆتورىنىڭ ايتۋىنشا، ءار تۇلەكتەن ءبىتىرۋ كەشىنە 200-300 مىڭ تەڭگە كولەمىندە اقشا جيناۋ قالىپتى جاعدايعا اينالعان.

Abai.kz