ەلىمىزدە 15 جول ۋچاسكەسىندە جارىقتار مەن اقاۋلاردى جويۋ جۇمىستارى جۇرگىزىلىپ جاتىر. بۇل جايلى «قازاۆتوجول» ۇك» اق باسقارما توراعاسى دارحان يماناشەۆ وكق الاڭىندا وتكەن ءباسپاسوز ءماسليحاتىندا مالىمدەدى. 

قازىرگى تاڭدا ەل اۋماعىندا جالپى ۇزىندىعى 4 900 شاقىرىمعا جەتەتىن 26 اقىلى جول ۋچاسكەسى بار. اقىلى جولداردا اقاۋلار انىقتالعان جاعدايدا جول ءجۇرۋ اقىسىن ۋاقىتشا توقتاتۋ نورماسى ەنگىزىلدى.

- بيىل قوسىمشا جاڭا 6 اقىلى ۋچاسكەنى ەنگىزۋ جوسپارلانۋدا، - دەيدى سپيكەر. 

بريفينگ بارىسىندا دارحان يماناشەۆ بيىلعى سۋ تاسقىنى ماۋسىمىن جول قىزمەتى الدىن الا دايىندىق جۇمىستارىنىڭ ارقاسىندا ابىرويمەن الىپ شىققانىن ايتتى.

2026 جىلعى سۋ تاسقىنى كەزەڭىندە رەسپۋبليكالىق اۆتوجولداردا  5 سۋ الۋ فاكتىسى عانا تىركەلدى. وسىدان ەكى جىل بۇرىن 178 سۋ الۋ فاكتىسى تىركەلگەن بولاتىن.  سۋ تاسقىنىنا قارسى ءىس-شارالارعا 1000 بىرلىك تەحنيكا جانە 1900 قىزمەتكەر جۇمىلدىرىلدى. شامامەن 15 مىڭ سۋوتكىزگىش قۇبىرلار تازارتىلىپ، 86 مىڭ تەكشە مەتر ينەرتتى ماتەريال ازىرلەندى.

Abai.kz