الماتى قالاسى جەتىسۋ اۋدانى م.جۇماباەۆ اتىنداعى №137 جالپى ءبىلىم بەرەتىن مەكتەپتە «ادال ەڭبەك» تاقىرىبىندا پاتريوتتىق اكتسيا ءوتتى. ءىس-شارانىڭ باستى ماقساتى – جاس ۇرپاقتىڭ بويىنا ەڭبەكقورلىق، ادالدىق، وتانسۇيگىشتىك قاسيەتتەردى ءسىڭىرۋ جانە ۇلتتىق قۇندىلىقتاردى دارىپتەۋ.

اكتسيا اياسىندا 7-سىنىپ وقۋشىلارى پاتريوتتىق رۋحتاعى بي چەللەندجىن ۇيىمداستىرىپ، كورەرمەندەرگە ەرەكشە اسەر سىيلادى. وقۋشىلاردىڭ ورىنداۋىنداعى:

«جولداس بولماي، جول بولماس،
كوپ جيىلماي، قول بولماس.
يەسى كەڭ دالامنىڭ –
مەن، بالاڭمىن!» — دەگەن جىر جولدارى ولاردىڭ ەلگە دەگەن سۇيىسپەنشىلىگىن، بىرلىك پەن ىنتىماققا دەگەن قۇرمەتىن ايقىن كورسەتتى.

ءىس-شارا بارىسىندا قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆتىڭ «ادال ادام – ادال ەڭبەك – ادال تابىس» اتتى باعدارلامالىق ماقالاسىنىڭ ءمانى كەڭىنەن ءتۇسىندىرىلدى. ادىلەتتى قوعام قۇرۋ ءۇشىن ءار ازاماتتىڭ وزىنەن باستاۋ كەرەكتىگى، سونداي-اق ەل بىرلىگى مەن ۇلتتىق بىرەگەيلىكتىڭ ماڭىزى ەرەكشە ەكەنى اتاپ ءوتىلدى.

سونىمەن قاتار، تاۋەلسىزدىك جىلدارى ءتۇرلى سالادا جەتىستىككە جەتىپ، ەل دامۋىنا ۇلەس قوسىپ جۇرگەن ەڭبەك ادامدارىنىڭ ءومىر جولى وقۋشىلارعا ۇلگى رەتىندە ۇسىنىلدى. بۇل جاستاردىڭ بولاشاق ماماندىق تاڭداۋدا دۇرىس باعىت الۋىنا ىقپال ەتەدى.

ايتا كەتەيىك، «ادال ازامات» باعدارلاماسى – ءبىلىم بەرۋ ۇيىمدارىندا جۇزەگە اسىرىلىپ جاتقان ءبىرتۇتاس تاربيە جۇيەسى. باعدارلاما اياسىندا وقۋشىلاردىڭ ازاماتتىق جاۋاپكەرشىلىگىن ارتتىرۋ، رۋحاني-ادامگەرشىلىك جانە مادەني قۇندىلىقتاردى قالىپتاستىرۋ نەگىزگى باسىمدىقتاردىڭ ءبىرى بولىپ تابىلادى.

وسىنداي مازمۇندى ءىس-شارالار جاس ۇرپاقتى تاربيەلەۋدە ماڭىزدى ءرول اتقارىپ، ەل بولاشاعىنىڭ بەرىك نەگىزىن قالايدى.

ارايلىم بالاباەۆا،

م.جۇماباەۆ اتىنداعى 137 جالپى ءبىلىم بەرەتىن مەكتەپتىڭ ديرەكتوردىڭ تاربيە ءىسى جونىندەگى  ورىنباسارى. الماتى قالاسى

Abai.kz