الماتى وبلىسى مامىر ايىن ۇزاق دەمالىسپەن جانە مازمۇندى باعدارلامامەن قارسى الماق. قالالىق مەرەكەلەر مەن فەستيۆالدەردەن باستاپ، ۇلتتىق سپورت تۇرلەرى، ينتەللەكتۋالدى تۋرنيرلەر مەن ءىرى حالىقارالىق جارىستارعا دەيىن ۇيىمداستىرىلادى دەپ جوسپارلانعان.

ءبىز 1–9 مامىر ارالىعىنداعى باستى وقيعالاردى جيناقتادىق — دەمالىس فورماتىن كوڭىل-كۇيىڭىزگە قاراي تاڭداڭىز...

قوناەۆ: ۆەلوشەرۋ، فەستيۆال جانە باسكەتبول

وبلىس ورتالىعىنداعى مەرەكەلىك شارالار 1 مامىر كۇنى تاڭەرتەڭ باستالادى. تۇرعىندار مەن قوناقتاردى بەلسەندى جانە وتباسىلىق فورماتتار كۇتەدى.

1 مامىر. 09:00 — ۆەلوشەرۋ (ورتالىق ساياباق).
1 مامىر. 09:30 — «بىرلىك» فەستيۆالى (ورتالىق الاڭ).

كوماندالىق سپورت ءتۇرىن ۇناتاتىندار ءۇشىن وبلىستىق جارىستار وتكىزىلەدى:

1–4 مامىر. 10:00–18:00 — جاسوسپىرىمدەر مەن قىزدار اراسىنداعى باسكەتبولدان چەمپيونات (قوناەۆ ق.، سپورتتى دامىتۋ ديرەكتسياسى).

ال اسەرلى حالىقارالىق دودالاردى تاماشالاعىسى كەلەتىندەر الاتاۋعا بارسا بولادى:

2–9 مامىر. 08:00–18:00 — ستەندتىك اتۋدان الەم كۋبوگى (الاتاۋ ق.، اسانوۆ اتىنداعى اتۋ كلۋبى). باعدارلامادا — اپتا بويى وتەتىن جارىس كۇندەرى.

قاراساي اۋدانى (قاسكەلەڭ): مەرەكەلىك الاڭ جانە قازاق كۇرەسىنەن تۋرنير

1 مامىر. 10:00 — قازاقستان حالقىنىڭ بىرلىگى كۇنىنە ارنالعان مەرەكەلىك باعدارلاما (قاسكەلەڭ ق.، ورتالىق الاڭ).

سپورتتىق بلوك بىرنەشە كۇننەن كەيىن جالعاسادى:

5–6 مامىر. 09:00 — «ۇستاز بارىسى — 2026» قازاق كۇرەسى ءتۋرنيرى (قاراساي اۋدانى، قاسكەلەڭ ق.، №1 بجسم).

تالعار: قازاق كۇرەسى جانە بوكس

بۇل كۇندەرى تالعار جەكپە-جەك سۇيەر قاۋىم ءۇشىن باستى ورىنداردىڭ بىرىنە اينالادى.

1–3 مامىر. 09:00–18:00 — جاس سپورتشىلار اراسىندا قازاق كۇرەسىنەن رەسپۋبليكالىق تۋرنير (تالعار ق.، №2 بجسم).

5–9 مامىر. 09:00 — ەسەت ءنۇسىپانوۆتى ەسكە الۋعا ارنالعان بوكستان رەسپۋبليكالىق اشىق تۋرنير (تالعار اۋدانى، تالعار ق.، رىسقۇلوۆ كوشەسى، 68ا).

ۇيعىر اۋدانى (شونجى): توعىزقۇمالاقتان چەمپيونات

سابىرلى، بىراق قىزىقتى فورماتتى قالايتىندار ءۇشىن ينتەللەكتۋالدى ويىن ۇسىنىلادى:

1–3 مامىر. 09:00–18:00 — بالالار مەن جاسوسپىرىمدەر اراسىندا توعىزقۇمالاقتان وبلىستىق چەمپيونات (ۇيعىر اۋدانى، شونجى اۋىلى، بجسم).

قاراكەمەر: كوكپار

ۇلتتىق سپورت تۇرلەرى — وبلىستىڭ مامىر ايىنداعى افيشاسىنىڭ مىندەتتى بولىگى:

2 مامىر. 12:00 — كوكپاردان كوماندالىق جارىستار (قاراكەمەر اۋىلى، كوكپار الاڭى).

تاڭبالى تاس جانە ASP Club: ۋلترامارافون جانە مايوۆكا

مامىر ايىن تابيعات اياسىندا جانە قوزعالىستا وتكىزۋدى جوسپارلايتىندار ءۇشىن قالا سىرتىنا شىعۋعا ەكى تاماشا سەبەپ بار:

1–3 مامىر. 10:00–18:00 — Tengri Ultra 2026 (تاڭبالى تاس).

1–3 مامىر. 12:00 — SHAKEFEST + ASP مايوۆكاسى (ASP Club, قوناەۆ).
ىلە اۋدانى: اۋىر اتلەتيكا

2–3 مامىر. 09:00–18:00 — اۋىر اتلەتيكادان چەمپيونات (ىلە اۋدانى، №18 ورتا مەكتەپ). قاتىسۋشىلار جاستار، سونداي-اق ەرلەر مەن ايەلدەر اراسىندا باق سىنايدى.

سونداي-اق «دوستىق الاڭى» فۋتبول ءتۋرنيرى (وتەگەن باتىر كەنتى، ستاديون) جوسپارلانعان، بىراق افيشادا ناقتى ۋاقىتى كورسەتىلمەگەن.

ەڭبەكشىقازاق اۋدانى (ەسىك جانە شەلەك): اسىق اتۋ جانە جاستار كەشى

4–6 مامىر، 09:00–18:00 — بالالار اراسىندا اسىق اتۋدان چەمپيونات (ەسىك ق.، دەنە شىنىقتىرۋ-ساۋىقتىرۋ كەشەنى).

5 مامىر. 18:00 — Patriot Fest گالا-كەشى (شەلەك اۋىلى، ساياباق الاڭى): جاستارعا ارنالعان كونتسەرتتىك باعدارلاما.

سونىمەن قاتار، ەسىك قالاسىندا كونتسەرتتىك باعدارلاما مەن ەتنومادەني ورتالىقتاردىڭ كورمەسى (جامبىل جاباەۆ اتىنداعى جاستار ساياباعى) جوسپارلانعان، بىراق ۋاقىتى كورسەتىلمەگەن.

كەگەن اۋدانى: تالانتتار بايقاۋى جانە شاعىن فۋتبول

2 مامىر. 13:00 — «ءتاڭىرتاۋ تالانتتارى» وبلىستىق تالانتتار بايقاۋى (كەگەن اۋىلى، مادەنيەت ءۇيى).

4–6 مامىر. 10:00–15:00 — پەداگوگتار اراسىندا شاعىن فۋتبولدان تۋرنير (كەگەن اۋدانى، ج. ەرمەگياەۆ اتىنداعى ورتا مەكتەپ).

جامبىل اۋدانى: جاستار ءۇشىن اشىق ەسىك كۇنى

6 مامىر. 10:00 — ErIk جوباسى اياسىنداعى اشىق ەسىك كۇنى (جامبىل اۋدانى، ب. مومىشۇلى اتىنداعى 28237 اسكەري ءبولىمى). جاستارعا ارنالعان ءىس-شارا رەتىندە جاريالانعان.

نارىنقول: سۋرەتتەر بايقاۋى

نارىنقولدا «بىرلىك پەن دوستىق» تاقىرىبىندا سۋرەتتەر بايقاۋى جوسپارلانعان.

Abai.kz