استانا قالاسىنداعى قازاق ەلى الاڭىندا 7 مامىر كۇنى ساعات 11:00-دە وتان قورعاۋشىلار كۇنىنە ارنالعان پلاتس-كونتسەرت وتەدى، دەپ حابارلايدى ەلوردا اكىمدىگىنىڭ رەسمي سايتى.

ءىس-شارا اياسىندا كورەرمەندەرگە اسكەري وركەسترلەر مەن مەملەكەتتىك ورگانداردىڭ ساپتىق ەسەپتوپتارىنىڭ قاتىسۋىمەن مەرەكەلىك باعدارلاما ۇسىنىلادى. سونداي-اق ساپتىق دايىندىق ەلەمەنتتەرى مەن سالتاناتتى بولىمشەلەردىڭ كورسەتىلىمدىك قويىلىمدارى دا ساحنالانادى.

پلاتس-كونتسەرتكە قازاقستان رەسپۋبليكاسىنىڭ مەملەكەتتىك كۇزەت قىزمەتى، قازاقستان رەسپۋبليكاسىنىڭ قورعانىس مينيسترلىگى، قازاقستان رەسپۋبليكاسى ىشكى ىستەر مينيسترلىگىنىڭ ۇلتتىق ۇلانى، قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى جانە قازاقستان رەسپۋبليكاسىنىڭ توتەنشە جاعدايلار مينيسترلىگىنىڭ وكىلدەرى قاتىسادى.

Abai.kz