اقتوبە وبلىسى تەمىر اۋدانى كەڭقياق اۋىلدىق وكرۋگىنىڭ اكىمى قۋانىشبەك سەرىكجانوۆ سۋيتسيد جاسادى. اقتوبە قالاسىنىڭ پوليتسيا باسقارماسى تەرگەۋ جۇرگىزىپ جاتىر.

— 1983 جىلى تۋعان ەر ادامنىڭ قايتىس بولۋ فاكتىسى بويىنشا سوتقا دەيىنگى تەرگەپ-تەكسەرۋدى باستادى. تەرگەۋ بارىسىندا وقيعانىڭ بارلىق ءمان-جايى انىقتالاتىن بولادى. تەرگەۋ مۇددەسىنە بايلانىستى وزگە اقپارات جاريا ەتۋگە جاتپايدى، — دەپ حابارلادى اقتوبە وبلىستىق پد باسپاسوز قىزمەتى.

اقتوبە وبلىسى اكىمىنىڭ ءباسپاسوز قىزمەتىنىڭ حابارلاۋىنشا، قۋانىشبەك سەرىكجانوۆ 4 مامىر كۇنى جۇمىستان شىعاتىنىن ايتىپ، ارىز جازعان. 5 مامىر كۇنى ارىزى قابىلدانىپ، جۇمىستان بوساتىلعان.

قۋانىشبەك سەرىكجانوۆ 2014 جىلدان باستاپ مەملەكەتتىك قىزمەتتە جۇمىس ىستەدى. 2023 جىلدىڭ مامىر ايىنان تەمىر اۋدانى كەڭقياق اۋىلدىق وكرۋگى اكىمىنىڭ ورىنباسارى، 2023 جىلعى 15 قازاننان باستاپ كەڭقياق اۋىلدىق وكرۋگىنىڭ اكىمى قىزمەتىن اتقارادى.

ايتا كەتەيىك، بىلتىر تەمىر قالاسىندا دا اكىم سۋيتسيد جاسادى.

سونداي-اق العا اۋدانى بەستاماق اۋىلدىق وكرۋگىنىڭ اكىمى ءوز-وزىنە قول جۇمساماق بولدى. ول اۋرۋحانادان شىققان سوڭ جۇمىسقا قايتا قوسىلدى.

Abai.kz