وتان قورعاۋشىلار كۇنى - ەرلىك پەن ەلدىكتىڭ مەرەكەسى. وسى ورايدا الماتى وبلىسىندا 7 مامىر – وتان قورعاۋشىلار كۇنى ەل تىنىشتىعى كۇزەتىندە جۇرگەن ازاماتتارعا ايرىقشا قۇرمەت كورسەتىلىپ، ماڭىزى زور رۋحاني-پاتريوتتىق شارالار ۇيىمداستىرىلدى.

الماتى وبلىسىنىڭ اكىمى مارات سۇلتانعازيەۆ 7 مامىر - وتان قورعاۋشىلار كۇنى قارساڭىندا «ارىستان» مامانداندىرىلعان ليتسەيىنە ارنايى بارىپ، وقۋ ورنىنىڭ تىنىس-تىرشىلىگىمەن تانىستى.
رەسپۋبليكاداعى بىرەگەي وقۋ ورداسى سانالاتىن بۇل ليتسەيدىڭ 15 جىلدىق تاريحى بار. وسى ۋاقىت ىشىندە 1 مىڭنان استام تۇلەك دايارلاپ، ەل قورعانى بولار جاس ساربازداردى تاربيەلەۋدە ايرىقشا ءرول اتقارىپ كەلەدى.

ساپار بارىسىندا اكىم ليتسەي تاربيەلەنۋشىلەرىمەن كەزدەسىپ، ولاردىڭ وقۋ ۇدەرىسى، اسكەري دايارلىعى جانە تۇرمىس جاعدايىمەن تانىستى. سونىمەن قاتار، جاستارعا پاتريوتتىق تاربيە بەرۋدىڭ ماڭىزدىلىعىن اتاپ ءوتىپ، بولاشاق ەل قورعاۋشىلارىنا ساتتىلىك تىلەدى.

مەرەكەگە وراي وبلىستىڭ بارلىق اۋدان-قالالارىندا مادەني، سپورتتىق ءىس-شارالار ءوتتى. اتاپ ايتقاندا، الاتاۋ قالالىق مادەنيەت ۇيىندە «بەيبىت ءومىردىڭ بەرىك قالقانى» اتتى مەرەكەلىك كەش ۇيىمداستىرىلدى.

ەڭبەكشىقازاق اۋدانىنداعى ت.مولداعۇلوۆ اتىنداعى مادەنيەت ءۇيى مەن شەلەك اۋىلىنىڭ ورتالىق الاڭىندا «PATRIOT FEST» جاستار اربات كەشى ءوتتى. شارا اياسىندا اسىق اتۋ جانە بەس اسىقتان چەمپيونات ۇيىمداستىرىلىپ، ايمەن اۋىلىندا كوكپار تارتىلدى.

جامبىل اۋدانىنداعى ب.مومىشۇلى اتىنداعى №28237 اسكەري بولىمىندە «Erlik» جوباسى اياسىندا اشىق ەسىك كۇنى وتسە، رايىمبەك اۋدانىنىڭ نارىنقول اۋىلدىق مادەنيەت ۇيىندە «ەر – ەلىنىڭ قورعانى» اتتى مەرەكەلىك باعدارلاما ۇيىمداستىرىلدى.

كەگەن اۋدانىنداعى ج.ەرمەگياەۆ اتىنداعى ورتا مەكتەپتە ەر مۇعالىمدەر اراسىندا ميني-فۋتبولدان وبلىستىق تۋرنير وتكىزىلدى. قاراساي اۋدانىنىڭ قاسكەلەڭ قالاسىندا «ۇستاز بارىسى» قازاق كۇرەسىنەن جارىس ۇيىمداستىرىلسا، تالعار اۋدانىندا ۆەلوسپورتتان رەسپۋبليكالىق جارىس پەن بوكسشى ەسەت مالعاجدارۇلىن ەسكە الۋعا ارنالعان رەسپۋبليكالىق اشىق تۋرنير باستالدى. ال ۇيعىر اۋدانىنىڭ شونجى اۋىلىندا پاتريوتتىق كەزدەسۋ كەشى ءوتتى.

ايتۋلى مەرەكە اياسىندا قوناەۆ قالاسىنداعى №58012 اسكەري ءبولىم بازاسىندا ارنايى كورمە ۇيىمداستىرىلىپ، قالاداعى مادەنيەت ۇيىندە سالتاناتتى جيىن ءوتتى.

سالتاناتتى كەش ءسۇيىنباي اتىنداعى الماتى وبلىستىق فيلارمونياسى ونەرپازدارىنىڭ مەرەكەلىك كونتسەرتىنە ۇلاستى.
وسىلايشا الماتى وبلىسىندا وتان قورعاۋشىلار مەرەكەسى كەڭ كولەمدە اتاپ ءوتىلىپ، ەلدىڭ رۋحىن كوتەرەتىن، پاتريوتتىق سەزىمىن اسقاقتاتاتىن مازمۇندى، تاعىلىمدى شارالارعا تولى بولدى.

Abai.kz