جارلىققا سايكەس، 2026 جىلعى 1 شىلدەگە دەيىن ۇكىمەت 2026–2029 جىلدارعا ارنالعان جاساندى ينتەللەكتىنى ورتا ءبىلىم بەرۋ جۇيەسىنە كەڭىنەن ەنگىزۋگە باعىتتالعان كەشەندى جوسپاردى بەكىتەدى. اتالعان جوسپار ءبىلىم بەرۋدى دارالاندىرۋ تەتىكتەرىن قۇرۋدى، تسيفرلىق ينفراقۇرىلىمدى دامىتۋ، پەداگوگ كادرلاردى دايارلاۋ جانە ءبىلىم الۋشىلاردىڭ دەربەس دەرەكتەرىن قورعاۋدى قامتيدى.

كەشەندى جوسپاردى ىسكە اسىرۋ اياسىندا پەداگوگ كادرلاردىڭ بىلىكتىلىگىن ارتتىرۋ بويىنشا اۋقىمدى جۇمىس كوزدەلگەن. بۇل رەتتە تسيفرلىق داعدىلاردى دامىتۋعا جانە جاساندى ينتەللەكت سالاسىنداعى قۇزىرەتتەردى قالىپتاستىرۋعا ەرەكشە نازار اۋدارىلادى. وقىتۋ تسيفرلىق پلاتفورمالارمەن جۇمىس ىستەۋ داعدىلارىن مەڭگەرۋدى، جاساندى ينتەللەكت قۇرالدارىنىڭ جۇمىس ىستەۋ قاعيداتتارىن ءتۇسىنۋدى جانە ولاردى وقۋ پروتسەسىندە ءتيىمدى قولدانۋدى قامتيدى. بۇل ءوز كەزەگىندە ءبىلىم بەرۋ جۇيەسىنە جاڭا تەحنولوگيالاردى ورنىقتى ءارى ءتيىمدى ەنگىزۋدى قامتاماسىز ەتەدى.

Abai.kz