اقش سوعىستى زەرتتەۋ ينستيتۋتى ءپۋتيندى ابدەن زەرتتەگەن. ونىڭ ءدال «پسيحولوگيالىق پورترەتىن» انىقتاپ، بۇكىل اقشتىڭ ەۋروپا مەن ۋكرايناعا قاتىستى  ساياساتىن وتە مۇقيات، ءدال جۇرگىزۋدە...

ترامپ «رەسەيشىل» بولىپ كورىنەدى...:

ەۋرووداقپەن رەنجىسكەندەي كەيىپ تانىتادى... ءپۋتيندى «جاقسى جىگىت، مەن ونى بىلەمىن» دەپ ۇنەمى ايتا بەرەدى...

(سول ارادا، ۋكراينا مەن ەۋروپا اقشتىڭ تەحنولوگيالىق كومەگىمەن وزدەرىنىڭ اسكەري ءوندىرىسىن دامىتا تۇسەدى).

ترامپ ۋكراينا پرەزيدەنتى زەلەنسكيدى «ناشار جىگىت» دەپ اندا-ساندا ايتىپ قويۋدى دا ۇمىتپايدى - ول پۋتينگە بۇل ءسوزدىڭ ۇنايتىنىن بىلەدى...

ال، زەلەنسكيدى «ترامپ پەن ءپۋتيننىڭ ءوزارا ۇناۋ‑ۇناماۋى» ەش قىزىقتىرمايتىن سياقتى...

ول ۋكراينانىڭ اسكەري ءوندىرىسىن جولعا قويىپ، وزدەرى دروندار مەن راكەتالار شىعارا باستاعاننان‑اق، «بىزگە ەۋروپالىق اسكەري قورعانىس اليانسىن قۇرۋ كەرەك. ونىڭ الدىڭعى قاتارىندا ۇلىبريتانيا، فرانتسيا، گەرمانيا، نورۆەگيا جانە ۋكراينا تۇرۋى ءتيىس» دەپ اشىق ايتا باستادى. ەۋروپا مەملەكەتتەرى دە ونى قولداۋدا. بۇل – ترامپتى «ويىننان تىس قالدىرۋ» امالى.

وسىعان «وكپەلەگەن» ترامپ تا كىنامشىل بولىپ الدى: «مەن ەۋروپادان اسكەرىمدى اكەتەمىن» دەپ قيعىلىق سالدى.

اكەتسە اكەتە بەرسىن ‑ ءوزى عوي الدىندا «ناتو‑عا مۇشە ەۋروپالىق ەلدەردىڭ اسكەري بيۋدجەتىن ءجىو بەس پايىزىنا دەيىن كوتەرىڭدەر. اقش بار شىعىندى ءوز موينىنا الۋدى توقتاتادى» دەپ قىرسىقتىق تانىتىپ، ەۋروپانى قارۋ‑جاراق ءوندىرىسىن ۇلعايتۋعا يتەرمەلەگەن...

سونىمەن، «اقش كومەگىن توقتاتتى» دەگەن قاۋەسەتكە سەنگەن پۋتين سوعىستى ودان ءارى جالعاستىرۋدا...

(ال، قارا باسىن ويلاعان رەسەي مينيسترلەرى پۋتينگە «بىزدە ءبارى جاقسى» دەپ ەسەپ بەرۋىن توقتاتقان جوق...).

بىراق، بۇل ويىننىڭ دا ءتۇبى كورىندى:

ەندى اقشتان بىرقاتار ەۋروپا مەملەكەتتەرىنىڭ قاتىسۋىمەن «ۋكراينا ءۇشىن» دەپ «توموگاۆك» الىستان اتقىش راكەتالارىن ساتۋعا رۇقساتىن بەرىپ جاتىر...

اقش مۇنى دا ەسەپكە الىپ وتىر...

مىنە، وسىعان دەيىن وسىلاي بولىپ كەلدى:  

ترامپ بەلگىسىز ۋاقىتقا «رەسەي مۇنايىنا سانكتسيالاردى توقتاتامىن» دەپ جاريالادى. رەسەي وعان قۋانىپ، «بىرنەشە تريلليون بيۋدجەت تاپشىلىعىن جوياتىن بولدىق» دەپ ۇمىتتەنىپ قالىپ ەدى...

بىراق ونىڭ جولىن ۋكراينا كەسىپ تاستادى: تۋاپسەنى اتقىلادى، ۋست لۋگا مەن پريمورسك پورتتارىن ىستەن شىعاردى. رەسەيدىڭ ەكسپورت مۇمكىندىگى ازايىپ كەتتى...

بىراق، بۇل ويىن دا ۇزاققا سوزىلمادى: اقش رەسەي مۇنايىنا سانكتسيانى قايتا كۇشىنە ەنگىزدى. ونىمەن قوسا، ترامپ وزىنە دەيىن بايدەننىڭ سالعان سانكتسيالارىنىڭ بىرەۋىن دە الىپ تاستاعان جوق –كۇشىندە قالۋدا! ترامپ تەك «سوزگە شەبەر» ەكەن...

ويتكەنى، ولاردىڭ زەرتتەۋ ينستيتۋتى ترامپقا «رەسەي ەكونوميكاسى سوعىستا جەڭە المايتىن جاعدايعا دەيىن قۇلدىرادى. ەندى ۋكراينا رەسەيدەن جەڭىلمەيدى» دەپ ەسەپ بەرىپ قويعان بولار، بالكىم...

سول سەبەپتى دە ترامپ زەلەنسكيگە «دونباستى بەرە سالساشى» دەپ ايتىپ قويادى - ۋكراينا بەرمەيتىنىن بىلەدى...

ويتكەنى، ترامپ رەسەيدىڭ ۋكراينا تەرريتورياسىن اننەكتسيالاۋى حالىقارالىق زاڭ نورمالارىنا قايشى ەكەنىن، تاۋەلسىز ۋكراينانىڭ قازىرگى تەرريتورياسى بۇۇ تاراپىنان مويىندالعانىن، ال، رەسەيدىڭ دونەتسك جانە لۋگانسكىدە سوعىس جاعدايىندا وتكىزگەن «رەفەرەندۋمىنىڭ» زاڭدىق كۇشى جوقتىعىن، سونىمەن قاتار، رەسەيدىڭ ول تەرريتوريالاردى ءوز كونستيتۋتسياسىنا «وزگەرىستەر ەنگىزۋ» ارقىلى رەسەي قۇرامىنا قوسۋىنىڭ زاڭدىق كۇشى جوق ەكەنىن دە بىلەدى.

ءسويتىپ سوعىس جالعاسۋدا:

ۋكراينا جاعىنان - جوعارعى تەحنولوگيالىق، ادام شىعىنى از سوعىس.

ال، رەسەي جاعىنان - ەسكىرگەن تاكتيكالىق، ادام شىعىنى مول سوعىس...

بۇل - رەسەيدى كەمى جارتى عاسىر ارتقا تاستايدى...

ءسويتىپ، قازىرگى گەوساياسي گەوگرافيادان رەسەي عاسىرلارعا كەتەدى.

ول ەندى ەۋرووداق، اقش، قىتاي سياقتى ساياسي ىقپالدى ەلدەر قاتارىنان ماڭگىلىككە شىعىپ قالادى...

ءارى قاراي الەمنىڭ دامۋى سول ورتالىقتاردىڭ قۇزىرىنا كوشەدى...

مىنە، قورىتىندى ناتيجەدە "ترامپتىڭ ويىنى" وسىعان الىپ كەلەدى...

ءابدىراشيت باكىرۇلى

Abai.kz