قۇرمەتتى ەرلان جاقانۇلى!

قۇرمەتتى ارىپتەستەر!

مەملەكەت باسشىسى بيىلعى جىلدىڭ 17 ناۋرىزىندا جاڭا كونستيتۋتسيانىڭ قابىلدانۋىنا بايلانىستى كەشەندى قىلمىستىق جانە اكىمشىلىك راقىمشىلىق وتكىزىلەتىنىن جاريالادى.

كوپتەگەن ەلدەردىڭ تاجىريبەسىندە ءداستۇرلى اتاۋلى كۇندەرگە وراي راقىمشىلىق جاساۋ تۋرالى زاڭدار قابىلدانىپ تۇرادى.

وسى جولى دا ءبىز ۇكىمەتپەن بىرلەسىپ راقىمشىلىق تۋرالى زاڭ جوباسىن دايىندادىق.

بۇل – قاتەلىك جىبەرگەن، بىراق ءوز ىسىنە وكىنىپ، مىنەز-قۇلقىمەن تۇزەلۋ جولىنا تۇسكەنىن دالەلدەگەن ادامدارعا قاتىستى مەملەكەتىمىز تاراپىنان جاسالعان كەزەكتى ىزگىلىك اكتىسىنىڭ كورىنىسى.

الداعى راقىمشىلىقتىڭ بۇعان دەيىن جۇرگىزىلگەندەردەن ەرەكشەلىگى – ەلىمىزدە تۇڭعىش رەت قىلمىستىق راقىمشىلىقپەنقاتار اكىمشىلىك راقىمشىلىق تا جۇزەگە اسىرىلادى.

قىلمىستىق راقىمشىلىق شەڭبەرىندە كەلەسى ۇسىنىلادى:

سونىمەن قاتار، قىلمىستىق كودەكستىڭ 78-بابىنا سايكەس، راقىمشىلىق اسا قاۋىپتى قىلمىستار جاساعان ادامدارعا، اتاپ ايتقاندا: سىبايلاس جەمقورلىق، تەرروريستىك جانە ەكسترەميستىك قىلمىستار، كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستار، ازاپتاۋلار جاساعاندارعا، قىلمىستاردىڭ قايتالانۋى (رەتسيديۆ) كەزىندە، قوعامدىق قاۋىپتىلىگى جوعارى دەڭگەيدەگى قىلمىستار، جاقىندا كريميناليزاتسيالانعان (قىلمىس قاتارىنا جاتقىزىلعان) ءىس-ارەكەتتەر جاساعاندارعا، سونداي-اق سىرتتاي (سىرتتاي ۇكىممەن) سوتتالعان ادامدارعا قولدانىلمايدى.

وسى ماقساتتا زاڭ جوباسىندا راقىمشىلىق قولدانىلمايتىن قىلمىستاردىڭ تىزبەسى ايقىندالعان (زاڭ جوباسىنىڭ 3-بابى).

قىلمىستىق-پروتسەستىك كودەكستىڭ 476-بابىنىڭ 15-تارماعىنا سايكەس، راقىمشىلىق جاساۋ تۋرالى تۇپكىلىكتى شەشىمدى ءاربىر سوتتالعانعا قاتىستى سوت جەكە-جەكە قابىلدايتىنىن اتاپ وتكەن ءجون.

زاڭ جوباسىمەن جەرگىلىكتى اتقارۋشى ورگاندارعا باس بوستاندىعىنان ايىرۋ ورىندارىنان بوساتىلاتىن ادامداردى الەۋمەتتىك بەيىمدەۋ جانە قايتا الەۋمەتتەندىرۋ (قوعامعا قايتا كىرىكتىرۋ) بويىنشا مىندەتتەر جۇكتەلەدى.

اكىمشىلىك راقىمشىلىق شەڭبەرىندە قۇقىق بۇزۋشىلىقتار ءۇشىن سالىنعان اكىمشىلىك ايىپپۇل تۇرىندەگى اكىمشىلىك جازادان كەلەسى تۇلعالاردى تولىق بوساتۋ ۇسىنىلادى:

اكىمشىلىك راقىمشىلىق سوتتار سالعان ايىپپۇلدارعا، سونداي-اق ازاماتتار مەن مەملەكەتتىڭ قاۋىپسىزدىگىنە قاتەر توندىرەتىن قۇقىق بۇزۋشىلىقتار ءۇشىن سالىنعان ايىپپۇلدارعا تارالمايدى.

زاڭ جوباسىندا سونىمەن قاتار راقىمشىلىققولدانىلمايتىن اكىمشىلىك قۇقىق بۇزۋشىلىقتاردىڭ تىزبەسى ايقىندالعان (زاڭ جوباسىنىڭ 8-بابى).

زاڭنىڭ قابىلدانۋى قوسىمشا قارجىلىق شىعىنداردى تالاپ ەتپەيدى جانە تەرىس ەكونوميكالىق، الەۋمەتتىك جانە قۇقىقتىق سالدارعا اكەپ سوقپايدى.

وسىلايشا، زاڭ جوباسىندا الداعى راقىمشىلىققابايلانىستى ادامنىڭ، قوعامنىڭ جانە مەملەكەتتىڭ مۇددەلەرىنىڭ تەڭگەرىمى (بالانسى) قامتاماسىز ەتىلگەن.

قولداۋلارىڭىزدى سۇرايمىن!

بايانداما اياقتالدى. نازار اۋدارعاندارىڭىزعا راقمەت!

Abai.kz