سوڭعى ۋاقىتتا جاريا اقپارات كەڭىستىگىندە ءبىزدىڭ كومپانياعا قاتىستى شىندىققا سايكەس كەلمەيتىن اقپاراتتىڭ تارالۋىنا بايلانىستى ءىس بەلسەندى تالقىلانۋدا.

ءبىز مەديا قاۋىمداستىق وكىلدەرى مەن وزگە دە مۇددەلى تۇلعالاردىڭ كوپتەگەن پىكىرلەرى مەن مالىمدەمەلەرىن كورىپ وتىرمىز.

ءبىز ەشقاشان جۋرناليستەرگە قاتىستى، ءتىپتى زاڭنامادا كوزدەلگەن قاتاڭ جاۋاپكەرشىلىك شارالارىن قولدانۋعا مۇددەلى بولعان ەمەسپىز. ماتەريالدىق زالالدى وتەۋ، جاۋاپتى تۇلعالاردى ماتەريالدىق جاۋاپكەرشىلىككە تارتۋ، رەداكتسيا تاراپىنان جاريا تۇردە كەشىرىم سۇراتۋ جانە وسىعان ۇقساس وزگە دە شارالار ءبىز ءۇشىن نەگىزگى ماقسات ەمەس.

ءبىز ءۇشىن ەڭ ماڭىزدىسى – كومپانيانىڭ ىسكەرلىك بەدەلىن قورعاۋ. كومپانيا قازتاگ حاا-عا جولداعان سوتقا دەيىنگى تالاپ-ارىزىندا ءدال وسى تالاپتاردى كورسەتتى جانە ءبىز داۋدى ءدال وسى شارتتار نەگىزىندە مەدياتسيا تارتىبىمەن رەتتەۋگە ءالى دە دايىنبىز.

ءبىزدىڭ ماقساتىمىز – زاڭدا كوزدەلگەن قۇقىقتاردى قورعاۋ تەتىكتەرى اياسىندا «فريدوم فينانس» اق-نا قاتىستى تاراتىلعان شىندىققا سايكەس كەلمەيتىن مالىمەتتەردى تەرىسكە شىعارۋ.

كومپانيانىڭ وسى ماقساتقا قول جەتكىزۋ ءۇشىن زاڭ اياسىندا جۇزەگە اسىرعان بارلىق ارەكەتتەرى، سونىڭ ىشىندە ازاماتتىق تالاپ قويۋى جانە قازتاگ حاا-عا قاتىستى قۇقىق قورعاۋ ورگاندارىنا جۇگىنۋى رەداكتسيانىڭ داۋدى سوتقا دەيىنگى تارتىپپەن رەتتەۋدەن باس تارتۋىنىڭ سالدارىنان بولدى.

قازىرگى ۋاقىتتا ءبىز قازتاگ حاا-عا كومپانيانىڭ سوتقا دەيىنگى تالاپ-ارىزىندا كورسەتىلگەن شارتتار نەگىزىندە مەدياتيۆتىك كەلىسىم جاساۋ ارقىلى كەلىسپەۋشىلىكتەردى رەتتەۋدى قايتا ۇسىنامىز.

اتاپ ايتقاندا، ءبىز كەلەسىنى ۇسىنامىز.

بىرىنشىدەن، قازتاگ جاريالاعان، سونىڭ ىشىندە ونلاين-پلاتفورمالاردا تاراتىلعان بىرقاتار ماتەريالداردى شىندىققا سايكەس كەلمەيتىن جانە «فريدوم فينانس» اق-نىڭ ىسكەرلىك بەدەلىنە نۇقسان كەلتىرەتىن جاريالانىمدار رەتىندە تانۋ. بۇل جاريالانىمدارعا قاتىستى سىلتەمەلەر كەلىسىمگە ەنگىزىلەدى. تەرگەۋ بارىسىندا ۇسىنىلعان قۇجاتتار نەگىزىندە اتالعان مالىمەتتەردىڭ شىندىققا سايكەس كەلمەيتىنى انىقتالدى. لينگۆيستيكالىق ساراپتاما قورىتىندىلارى دا بۇل مالىمەتتەردىڭ تەرىس سيپاتقا يە ەكەنىن جانە كومپانيانىڭ ىسكەرلىك بەدەلىنە نۇقسان كەلتىرەتىنىن راستايدى.

ەكىنشىدەن، كومپانيانىڭ ىسكەرلىك بەدەلىن قورعاۋ ماقساتىندا قازاقستان رەسپۋبليكاسىنىڭ «ماسس-مەديا تۋرالى» زاڭىنىڭ 38-بابىنا سايكەس شىندىققا سايكەس كەلمەيتىن مالىمەتتەر تاراتىلعان بارلىق اقپارات كوزدەرىندە اتالعان جاريالانىمدارعا قاتىستى تەرىسكە شىعارۋ ماتەريالىن جاريالاۋ جانە مۇنداي جاريالانىمداردى ءبىر مەزگىلدە الىپ تاستاۋ.

ۇشىنشىدەن، مەدياتيۆتىك كەلىسىمگە شىندىققا سايكەس كەلمەيتىن اقپاراتتىڭ تاراتىلعانىن جانە ماسس-مەديا تۋرالى زاڭناما تالاپتارىنىڭ بۇزىلعانىن مويىنداۋ جونىندەگى تارماق ەنگىزۋ.

بۇل رەتتە كىنانى مويىنداۋ زاڭناما تالاپتارىنىڭ ءبىرى بولىپ تابىلادى، ويتكەنى ءىس قازىردىڭ وزىندە سوت قاراۋى ساتىسىندا تۇر. وسىعان بايلانىستى بۇل مەدياتيۆتىك كەلىسىم جاساسۋدىڭ ماڭىزدى شارتتارىنىڭ ءبىرى سانالادى.

ءبىز بۇقارالىق اقپارات قۇرالدارىن اقپاراتتىڭ دۇرىستىعى مەن وبەكتيۆتىلىگىن ساقتاۋعا شاقىرامىز جانە وسى ءىستى مەدياتسيا تارتىبىمەن رەتتەۋگە دايىن ەكەنىمىزدى راستايمىز.

Abai.kz