قازاقستان امەريكالىق Remitly كومپانياسى دايىنداعان Immigration Index 2026 حالىقارالىق رەيتينگىندە تمد ەلدەرى اراسىندا ءبىرىنشى ورىنعا يە بولدى.

82 مەملەكەتتى قامتىعان الەمدىك رەيتينگتە قازاقستان 53-ورىنعا جايعاسىپ، زەرتتەۋگە ەنگىزىلگەن وڭىردەگى بارلىق باسقا ەلدەردى باسىپ وزدى.

سالىستىرۋ ءۇشىن، پوستكەڭەستىك كەڭىستىكتەگى وزگە مەملەكەتتەردىڭ رەيتينگتەگى ورىندارى تومەندەگىدەي بولدى:

مولدوۆا — 56-ورىن;

ازەربايجان — 66-ورىن;

ارمەنيا — 74-ورىن;

وزبەكستان — 75-ورىن.

ال رەسەي، بەلارۋس، قىرعىزستان، تاجىكستان جانە ۋكراينا زەرتتەۋگە ەنگىزىلمەگەن.

رەيتينگ اۆتورلارى ەلدەردى 16 ساناتقا بىرىكتىرىلگەن 34 كورسەتكىش بويىنشا باعالاعان. ولاردىڭ قاتارىندا قاۋىپسىزدىك دەڭگەيى، دەنساۋلىق ساقتاۋ مەن ءبىلىم بەرۋ ساپاسى، ەكولوگيالىق جاعداي، جۇمىسقا ورنالاسۋ مۇمكىندىكتەرى، ءومىر ءسۇرۋ قۇنى، تۇرعىن ءۇيدىڭ قولجەتىمدىلىگى، قوعامدىق كولىكتىڭ دامۋى، وتباسىلاردى قولداۋ جانە ءىرى ميگرانتتىق قاۋىمداستىقتاردىڭ بولۋى سياقتى فاكتورلار بار.

الەمدىك رەيتينگتىڭ كوشباسشىسى شۆەيتساريا بولدى.

Remitly كومپانياسىنىڭ مالىمەتىنشە، يندەكستى ازىرلەۋ كەزىندە تەك ەكونوميكالىق كورسەتكىشتەر عانا ەمەس، سونداي-اق ءومىر ساپاسى، قاۋىپسىزدىك دەڭگەيى، وتباسىلار ءۇشىن قولايلىلىق جانە ميگرانتتاردىڭ ۇزاق مەرزىمدى بەيىمدەلۋ مۇمكىندىكتەرى دە ەسكەرىلگەن.

زەرتتەۋ ناتيجەسىنە سايكەس، قازىرگى ميگرانتتار ءۇشىن نەگىزگى ولشەمدەر رەتىندە ءومىر ساپاسى، قاۋىپسىزدىك، مەديتسينالىق قىزمەتتەردىڭ قولجەتىمدىلىگى جانە ۇزاق مەرزىمدى بولاشاق قۇرۋ مۇمكىندىگى قاراستىرىلادى. وسى فاكتورلاردىڭ جيىنتىعى بويىنشا قازاقستان 2026 جىلعى رەيتينگتە تمد ەلدەرى اراسىنداعى ەڭ ۇزدىك مەملەكەت اتاندى.

Abai.kz