2024 جىلدان بەرى قازاقستان جازۋشىلار وداعى قازاقستان رەسپۋبليكاسى مادەنيەت جانە اقپارات مينيسترلىگىمەن ستراتەگيالىق ارىپتەستىك اياسىندا «جاس جازۋشىلاردىڭ ادەبي شەبەرلىك مەكتەبى» كۋرسىن جىل سايىن تۇراقتى تۇردە وتكىزىپ كەلەدى. بيىل دا اتالعان جوبا جالعاسىن تاۋىپ وتىر.

جاس قالامگەرلەر نازارىنا «جاس جازۋشىلاردىڭ ادەبي شەبەرلىك مەكتەبى» كۋرسىنا قۇجاتتار قابىلداۋ باستالعانىن ەسكەرتە وتىرىپ, جوباعا قاتىسۋعا شاقىرامىز.

جوبانىڭ تالاپتارى:

– جوباعا قاتىسۋعا ەلىمىزدىڭ بارلىق اۋماعىندا تۇراتىن جاس قالامگەرلەر (18-35 جاسقا دەيىن) ءوتىنىم بەرە الادى;

– ءوتىنىم بەرۋشى قازاقستان جازۋشىلار وداعىنىڭ مۇشەسى بولۋى مىندەتتىەمەس.

جوبانىڭ ىسكە اسۋ كەزەڭدەرى:

– قازاقستان جازۋشىلار وداعى ءدارىس وقيتىن، شەبەرلىك سىنىبىن وتكىزەتىن شەتەلدىك جانە وتاندىق تانىمال قالامگەرلەردەن تۇراتىن «جازۋشىلاردىڭ ادەبي شەبەرلىك مەكتەبىن» قۇرادى (شەبەرلىك مەكتەبىنىڭ مۇشەلەرى حالىقارالىق بەدەلدى ادەبي سىيلىق يەگەلەرى, قازاقستاننىڭ حالىق جازۋشىلارى, مەملەكەتتىك سىيلىقتىڭ جانە بەدەلدى ادەبي سىيلىقتاردىڭ لاۋرەاتتارى, جەتەكشى ادەبيەتتانۋشى عالىمدار، ادەبيەت پەن باسپا ىسىنە قاتىسى بار كاسىبي ماماندار).

– قازاقستان جازۋشىلار وداعى جانىنان قۇرىلاتىن كوميسسيا تالاپكەردىڭ شىعارماشىلىق ءومىربايانىن (شىعارعان كىتاپتارى مەن ماراپاتتارى, جەتكەن جەتىستىكتەرى) سارالاۋ ارقىلى جوباعا قاتىسۋشىلاردىڭ ءتىزىمىن بەكىتەدى.

– تىزىمگە ەنگەن جاس قالامگەرلەر قازاقستان جازۋشىلار وداعىنىڭ جانىنداعى «جازۋشىلاردىڭ ادەبي شەبەرلىك مەكتەبىنە» 10 كۇندىك وقۋعا كەلەدى (وقۋ باعىتتارى: شەتەلدىك جانە ۇلتتىق ادەبيەتتىڭ باستاۋى, بۇگىنى مەن بولاشاعى، شىعارماشىلىق باعىت-باعدار، جازۋشى زەرتحاناسى ت.ب.).

ادەبي شەبەرلىك مەكتەبىنە قاتىسۋشى جاس قالامگەرلەردىڭ جولى, تاماعى جانە جاتىن ورنى قازاقستان جازۋشىلار وداعى تاراپىنان تولەنەدى.

جوبا سوڭىندا ءار جاس قالامگەرگە سەرتيفيكات بەرىلەدى.

جوبانىڭ ماقساتى – جاس قالامگەرلەردى قولداۋ، ادەبي پروتسەستەرمەنتانىستىرۋ, شەبەرلىك دارىستەرىن تىڭداتۋ، جاڭا شىعارمالاردىڭ جازىلۋىنا ىقپال ەتۋ.

وتىنىمدەر 2026 جىلعى 15 ماۋسىمعا دەيىن كەلەسى تىزبەك بويىنشا قابىلدانادى:

1. ءوتىنىم;

2. تالاپكەردىڭ شىعارماشىلىق ءومىربايانى;

3. بەلگىلى قالامگەر نەمەسە قازاقستان جازۋشىلار وداعى وبلىستىق وكىلىنىڭ قولى قويىلعان ۇسىنىس.

وتىنىمدەر الماتى قالاسى، ابىلاي حان داڭعىلى، 105-ءۇي، 26-كابينەت مەكەن-جايىنا نەمەسە jazushylar_odagy@mail.ru ەلەكتروندى پوشتاسىنا جىبەرىلۋى كەرەك.

https://qazaqadebieti.kz/60590/zhas-zhazushylardy-debi-sheberlik-mektebi-kursyna-tinimder-abyldau-bastaldy

Abai.kz