اسكەري پروكۋرورلار اسكەري مۇلىكتىڭ ساقتالۋى مەن ماقساتتى پايدالانىلۋىن قامتاماسىز ەتۋ بويىنشا جۇيەلى جۇمىستاردى جالعاستىرىپ كەلەدى.

شىمكەنت گارنيزونىنىڭ اسكەري پروكۋراتۋراسى قاداعالاۋ شارالارى بارىسىندا ۇلتتىق ۇلان اسكەري بولىمدەرىنىڭ بىرىنە تيەسىلى، جالپى اۋماعى 87 گەكتاردان اساتىن جەر ۋچاسكەسىنىڭ 1999 جىلى زاڭسىز تۇردە جەكە مەنشىك قۇرىلىمداردىڭ پايداسىنا بەرىلگەنىن جانە كەيىننەن بىرنەشە مارتە قايتا ساتىلعانىن انىقتادى.

گارنيزون پروكۋراتۋراسى اسكەري بولىممەن بىرلەسىپ، سوت تارتىبىمەن ساتىپ الۋ-ساتۋ شارتتارىنىڭ جارامسىز دەپ تانىلۋىن قامتاماسىز ەتتى.

ناتيجەسىندە قۇنى 1 ميلليارد تەڭگەدەن اساتىن جەر ۋچاسكەسى مەملەكەت مەنشىگىنە قايتارىلىپ، اسكەري ۆەدومستۆونىڭ بالانسىنا بەرىلدى.

كورسەتىلگەن باعىتتاعى جۇمىستار جالعاسىن تابادى.

Abai.kz