قازاقستان تەك مۇناي مەن گازدىڭ «قۇبىرىن» كۇزەتىپ وتىراتىن ۋاقىتتى ارتقا تاستاعىسى كەلەدى. بۇگىن اقوردادان ماڭىزدى جاڭالىق جەتتى: مەملەكەت باسشىسى قاسىم-جومارت توقاەۆ امەريكالىق الىپ كومپانيا — Air Products اتقارۋشى ديرەكتورى ەدۋاردو مەنەزەستى قابىلدادى.

بۇل جاي عانا كەزدەسۋ ەمەس، بۇل — قازاقستان ەكونوميكاسىنىڭ «باعىتىن» وزگەرتەتىن ۇلكەن قادام بولىپ تابىلادى.

نە تالقىلاندى؟

اقش الپاۋىتى بىزگە شيكىزاتتى جايدان-جاي شەتەلگە اسىرا سالماي، ونى ەل ىشىندە تەرەڭ وڭدەۋدى (گازوحيميا) ۇسىنىپ وتىر. ينۆەستيتسيا مىنا باعىتتارعا قۇيىلۋى مۇمكىن:

• تابيعي گازدى تەرەڭ وڭدەۋ جانە گازوحيميا;
• كومىردى تەرەڭ وڭدەۋ ء(يا، كومىردەن دە جوعارى تەحنولوگيالىق ءونىم الۋعا بولادى);
• ونەركاسىپتىك گازدار (سۋتەگى، ازوت، وتتەگى) ءوندىرىسى.

بۇل بىزگە نە بەرەدى؟ (تالداۋ)

«شيكىزات قارعىسىنان» قۇتىلۋ. تەك مۇناي مەن گاز عانا ساتىپ، الەمدىك نارىقتاعى باعانىڭ قۇبىلۋىنا قاراپ وتىراتىن زامان ءبىتتى. دايىن، قوسىلعان قۇنى جوعارى ءونىم شىعارۋ — ناعىز ەكونوميكالىق تاۋەلسىزدىك بولىپ تابىلادى.

• جاڭا جۇمىس ورىندارى مەن تەحنولوگيا: ەكونوميكاعا تەك اقشا ەمەس، باتىستىڭ نوۋ-حاۋ تەحنولوگيالارى كەلەدى. ءبىزدىڭ ماماندار حالىقارالىق دەڭگەيدە تاجىريبە جيناقتايدى.
• Air Products دەگەن نە پالەكەت؟ بۇل — جاي عانا كومپانيا ەمەس، ونەركاسىپتىك گازدار مەن گاز وڭدەۋ سالاسىنداعى الەمدىك ليدەرلەردىڭ ءبىرى. ولاردىڭ قازاقستانعا قىزىعۋشىلىق تانىتۋى — ەلىمىزدىڭ ينۆەستيتسيالىق تارتىمدىلىعىنىڭ بەلگىسى بولىپ سانالادى.

سەرپىندى وي:

قازاقستاننىڭ بولاشاعى — شيكىزاتتى توننالاپ ەكسپورتتاۋدا ەمەس، ودان جوعارى تەحنولوگيالىق ءونىم جاساۋدا. گازوحيميا — بۇل جاڭا دەڭگەي، جاڭا ءداۋىر.

ءسىز قالاي ويلايسىز؟ اقش ينۆەستيتسياسى قازاقستاننىڭ مۇناي-گاز سەكتورىن «شيكىزات ينەسىنەن» تولىقتاي سۋىرىپ الا الا ما؟ الدە بۇل جوبالاردىڭ جۇزەگە اسۋىنا كەدەرگى كوپ پە؟

ءابىل-سەرىك الىاكبار

Abai.kz