«ادىلەت» پارتياسى وڭىرلىك فيليالدار جەلىسىن قۇرىپ، مەملەكەتتىك تىركەۋدەن تولىقتاي وتكىءزدى. اۋماقتىق بولىمشەلەر ەلىمىزدىڭ بارلىق وبلىسى مەن استانا، الماتى جانە شىمكەنت قالالارىندا قۇرىلدى.

كەلەسى كەزەڭ – فيليالداردىڭ باسقارۋ ورگاندارىن جاساقتاۋ: توراعالار مەن باسشىلىق ورگانداردى سايلاۋ، سونداي-اق باستاۋىش پارتيا ۇيىمدارىن قۇرۋ.

اۋماقتىق جەلىنى قالىپتاستىرۋ – پارتيانىڭ ۇيىمداستىرۋشىلىق قۇرىلىمىن دامىتۋدىڭ ماڭىزدى كەزەڭى. بۇل قادام ازاماتتارمەن تىكەلەي بايلانىس ورناتۋعا جانە پارتيا باستامالارىن جەرگىلىكتى دەڭگەيدە دامىتۋعا مۇمكىندىك بەرەدى.

ەسكە سالساق، وڭىرلىك فيليالداردى قۇرۋ تۋرالى شەشىم «ادىلەت» پارتياسىنىڭ ءىى سەزىندە قابىلدانىپ، ءتيىستى ەرەجەمەن بەكىتىلگەن بولاتىن. قۇجاتتا پارتيانىڭ وڭىرلىك قۇرىلىمدارىنىڭ قۇقىقتىق مارتەبەسى، جۇمىس ءتارتىبى، باسقارۋ جانە ىشكى باقىلاۋ جۇيەسى ايقىندالعان.

«ادىلەت» پارتياسى مەملەكەتتىك تىركەۋدەن 2026 جىلعى 1 ماۋسىمدا ءوتتى.

پارتيانىڭ قىزمەتى تۋرالى قوسىمشا جاڭالىقتاردى رەسمي Telegram-ارنامىزدان وقي الاسىزدار: https://t.me/adilet_partiyasy

Abai.kz