سەزد بارىسىندا:

1. «اۋىل» پارتياسىنىڭ اعىمداعى مىندەتتەرى;

2. قازاقستان رەسپۋبليكاسىنىڭ جاڭا كونستيتۋتسياسىنا سايكەس «اۋىل» پارتياسىڭ جارعىسىنا وزگەرتۋلەر مەن تولىقتىرۋلار ەنگىزۋ تۋرالى ماسەلەلەر قارالدى.

سەزد بارىسىندا سەرىك ەگىزباەۆ «اۋىل» پارتياسىنىڭ توراعاسى قىزمەتىنەن كەتۋ تۋرالى مالىمدەدى.

ول ەڭ الدىمەن پارتيانىڭ جانە ونىڭ بولاشاعىنىڭ مۇددەلەرىن باسشىلىققا الاتىنىن اتاپ، «بۇگىنگى ساياسي ءسات بارلىق پروگرەسسيۆتى كۇشتەردەن قوعامنىڭ جاڭارۋ تۋرالى سۇرانىسىنا لايىقتى جاۋاپ بەرۋدى تالاپ ەتەدى. بۇل سۇرانىس كونستيتۋتسيالىق رەفورما بارىسىندا دالەلدەندى. «اۋىل» پارتياسى وسى ۇدەرىستەردەن شەتتە قالا المايدى، كەرىسىنشە، پارتيا ولاردىڭ بەلسەندى قاتىسۋشىسى، ال بۇل ءۇشىن اگرارلىق جانە الەۋمەتتىك كۇن تارتىبىنە جاڭا كوزقاراستار اكەلۋدى، جاڭارتىلعان ساياسي جۇيەدە ءتيىمدى جۇمىس ىستەۋدى قاجەت ەتەدى. سوندىقتان پارتيا توراعاسى قىزمەتىمدى توقتاتۋىم پارتيانىڭ ىشكى ديناميكاعا دايىندىعىن جانە جاڭا ساياسي جۇيەدە الداعى سايلاۋعا تولىققاندى قاتىسۋعا نيەتتىلىگىن كورسەتەتىن زاڭدى قادام بولادى. سونىمەن قاتار، مەن پارتيا ماقساتتارىنا ادالمىن جانە جاڭا توراعاعا پارتيا قىزمەتىنىڭ ساباقتاستىعى مەن تۇراقتىلىعىن قامتاماسىز ەتۋ ءۇشىن جان-جاقتى قولداۋ كورسەتۋگە دايىنمىن جانە پارتياقاتارىندا بەلسەندى قىزمەت جاسايمىن»، - دەدى.

سەرىك ەگىزباەۆ سەزدىڭ قاراۋىنا پارتيا توراعاسىنىڭ ورىنباسارى قايرات ايتۋعانوۆتىڭ كانديداتۋراسىن پارتيانىڭ توراعاسى لاۋازىمىنا ۇسىندى. 

قايرات قاپارۇلى - اگرارلىق ەكونوميكا، مەملەكەتتىك قىزمەت جانە عىلىمي سالادا 40 جىلدان استام ەڭبەك ءوتىلى بار جوعارى بىلىكتى باسشى، ەكونوميست جانە مەملەكەت قايراتكەرى. ءار جىلدارى قر اۋىل شارۋاشىلىعى ءبىرىنشى ۆيتسە-ءمينيسترى، اپپارات باسشىسى، سونداي-اق حالىقارالىق قايتا قۇرۋ جانە دامۋ بانكى جۇزەگە اسىرعان جوبانىڭ جەتەكشىسى، «وڭتۇستىك» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اق باسقارما توراعاسى، قاراعاندى وبلىسى اكىمىنىڭ ورىنباسارى، «قازاگرو» ۇلتتىق باسقارۋشى حولدينگى» اق باسقارما توراعاسىنىڭ ورىنباسارى، «قر كاسىپوداقتار فەدەراتسياسى» رەسپۋبليكالىق قوعامدىق بىرلەستىگىنىڭ توراعا ورىنباسارى. 

سونىمەن قاتار، «ۇلتتىق اگرارلىق عىلىمي-ءبىلىم بەرۋ ورتالىعى» كەاق ديرەكتورلار كەڭەسىنىڭ توراعاسى، سونداي-اق س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ باسقارما توراعاسى قىزمەتتەرىن اتقارعان. 

پارتيا توراعاسىنىڭ ورىنباسارى ول رەتىندە اۋىلدىق اۋماقتاردى دامىتۋعا باعىتتالعان زاڭنامالىق جانە باعدارلامالىق باستامالاردى ازىرلەۋ مەن ىلگەرىلەتۋگە بەلسەنە قاتىستى.

قايرات قاپارۇلى كاسىبي ورتادا جوعارى بەدەلگە يە، ەلدىڭ قوعامدىق-ساياسي ومىرىنە بەلسەندى قاتىسادى جانە اگرارلىق سالاداعى ءتيىمدى مەملەكەتتىك ساياساتتى قالىپتاستىرۋعا زور ۇلەس قوسۋدا.

سەرىك ەگىزباەۆتىڭ ايتۋىنشا، جاڭا توراعانىڭ پارتيالىق جۇمىستا ساباقتاستىقتى قامتاماسىز ەتىپ، الدا تۇرعان مىندەتتەردى ىسكە اسىرۋدى ۇيلەستىرۋگە زور مۇمكىندىگى بار.

سەزد دەلەگاتتارى قايرات ايتۋعانوۆتىڭ«اۋىل» پارتياسىنىڭ جاڭا توراعاسى بولىپ سايلانۋىن ءبىراۋىزدان قولدادى.

سونىمەن قاتار سەزد جاڭا كونستيتۋتسياعا سايكەس پارتيا جارعىسىنا تولىقتىرۋلار مەن وزگەرىستەر ەنگىزۋ تۋرالى شەشىم قابىلدادى.

Abai.kz