ەكىباستۇز قالالىق مەشىتىن توڭىرەكتەگەن داۋ-داماي تولاستار ەمەس. سوڭعى ۋاقىتتا كەنشىلەر شاھارىنداعى اللاھتىڭ ءۇيى مەن ونىڭ قىزمەتكەرلەرى الىپ-قاشپا اڭگىمەلەر مەن قاۋەسەتتەردىڭ استىندا قالدى. ەكىگە ءبولىنىپ الىپ ءبىرىن-ءبىرى جامانداعان جاماعات جاعا جىرتىسۋعا جاقىن. «داۋدىڭ باسى دايرابايدىڭ كوك سيىرى!» دەمەكشى، العاشىندا مەشىتكە ات بەرۋدەن باستالعان تارتىس سوڭى، يمامدارمەن جاماعات اراسىنداعى «جەكپە-جەككە» ۇلاسقانعا ۇقسايدى. سونىمەن كەيىنگە ءسال شەگىنىس جاسايىق!

2006-شى جىلى 21-ءشى ماۋسىمدا قازاقستان مۇسىلماندارى ءدىني باسقارماسىنىڭ كەڭەيتىلگەن تورالقا ماجىلىسىندە ماقۇلدانىپ، سول جىلعى 24-ءشى تامىزدا باس ءمۇفتي ءابساتتار قاجى دەربىسالى مىرزانىڭ شەشىمىمەن ەكىباستۇز مەشىتىنە يسابەك يشاننىڭ اتىن بەرۋ ۇيعارىلعان. الايدا، باس ءمۇفتيدىڭ بۇيرىعى ءالى ورىندالماي كەلەدى. وسىعان نارازىلىق تانىتقان جۇرت، مەشىت اۋلاسىنا جينالىپ ارا-تۇرا رەنىش ءبىلدىرىپ قويادى. يسابەك يشاننىڭ كىم ەكەنىن ايتىپ جاتۋ ارتىق بولار، ايتسە دە ونىڭ ايگىلى ءدىنتانۋشى عۇلاما-اقىن ءماشھۇر ءجۇسىپ كوپەيۇلىنىڭ ۇستازى ەكەنىن تىلگە تيەك ەتە كەتكەن ءجون.

ەكىباستۇز قالالىق مەشىتىن توڭىرەكتەگەن داۋ-داماي تولاستار ەمەس. سوڭعى ۋاقىتتا كەنشىلەر شاھارىنداعى اللاھتىڭ ءۇيى مەن ونىڭ قىزمەتكەرلەرى الىپ-قاشپا اڭگىمەلەر مەن قاۋەسەتتەردىڭ استىندا قالدى. ەكىگە ءبولىنىپ الىپ ءبىرىن-ءبىرى جامانداعان جاماعات جاعا جىرتىسۋعا جاقىن. «داۋدىڭ باسى دايرابايدىڭ كوك سيىرى!» دەمەكشى، العاشىندا مەشىتكە ات بەرۋدەن باستالعان تارتىس سوڭى، يمامدارمەن جاماعات اراسىنداعى «جەكپە-جەككە» ۇلاسقانعا ۇقسايدى. سونىمەن كەيىنگە ءسال شەگىنىس جاسايىق!

2006-شى جىلى 21-ءشى ماۋسىمدا قازاقستان مۇسىلماندارى ءدىني باسقارماسىنىڭ كەڭەيتىلگەن تورالقا ماجىلىسىندە ماقۇلدانىپ، سول جىلعى 24-ءشى تامىزدا باس ءمۇفتي ءابساتتار قاجى دەربىسالى مىرزانىڭ شەشىمىمەن ەكىباستۇز مەشىتىنە يسابەك يشاننىڭ اتىن بەرۋ ۇيعارىلعان. الايدا، باس ءمۇفتيدىڭ بۇيرىعى ءالى ورىندالماي كەلەدى. وسىعان نارازىلىق تانىتقان جۇرت، مەشىت اۋلاسىنا جينالىپ ارا-تۇرا رەنىش ءبىلدىرىپ قويادى. يسابەك يشاننىڭ كىم ەكەنىن ايتىپ جاتۋ ارتىق بولار، ايتسە دە ونىڭ ايگىلى ءدىنتانۋشى عۇلاما-اقىن ءماشھۇر ءجۇسىپ كوپەيۇلىنىڭ ۇستازى ەكەنىن تىلگە تيەك ەتە كەتكەن ءجون.

باس ءمۇفتيدىڭ قاۋلىسىن ورىنداۋعا پاۆلودار وبلىستىق ورتالىق مەشىتتىڭ باس يمامى جۇماباي ىقىلاستىڭ دا ىقىلاسى جوق. بالكىم قاۋقارى بولماي جۇرگەن شىعار. ويتكەنى، ول مەشىتكە ەكىباستۇزدىڭ بۇرىنعى اكىمى، بۇگىندە قالاداعى بەلدى كاسىپكەر ەلتاي اربيەۆ اتاسىنىڭ اتىن بەرگىسى كەلىپ ءجۇر-ءمىس. جۇرت سولاي دەيدى. ايتپاقشى، ەلتاي اربيەۆ بۇرىنعى قورعانىس ءمينيسترى دانيال احمەتوۆتىڭ جاقىن «تامىرى». سوعان قاراعاندا «جىلاندى ءۇش كەسسە دە كەسىرتكەدەي قاۋقارى بار» بوپ تۇرعانعا ۇقسايدى. حالىق، مەشىتكە يسابەك يشاننىڭ اتىن بەرۋ جونىندە جەتى مىڭ ادامنىڭ قولىن جيناپ ءورلى-قىرلى جۇگىرگەنىمەن ءۇش جىلدان استام ۋاقىتتان بەرى ول ارەكەتتەرىنەن ەشتەڭە شىقپاي ءجۇر. وبلىستىڭ باس يمامى جۇماباي قاجىنىڭ ازىرگە جاماعات جاققا قيسايار ءتۇرى بايقالمايدى.

بيىلعى اقپان ايىندا ەكىباستۇز مەشىتىنىڭ باس يمامى حايروللا ابىلدابەكتىڭ ورنىنا ءابىلحان جاپىشەۆ تاعايىندال-دى. جۇرت، جاس يمامنان ءبىر جاقسىلىق كۇتكەن ەدى. الايدا، مەشىتكە ات بەرۋ ماسەلەسىنە ول دا قىرىن قارادى. كەرىسىنشە اساي-مۇسەيلەرىن ارقالاپ كەلگەن جۋرناليستەرگە ايبات كورسەتىپ، «قىزمەتتەرىڭنەن كەتىرەمىن» دەپ قوقان لوقى جاسادى. قازىر جاڭا يمام ەسىگىنىڭ الدىنا حاتشى ۇستاپ، مەشىتتىڭ اينالاسىنا بەينەكامەرالار ورناتىپ تاستاپتى. جانازا شىعارۋعا دا باسقا موللالاردى جولاتپايتىن كورىنەدى. ەكىباستۇز مەشىتى توڭىرەگىندەگى داۋ-داماي، ءابىلحان جاپىشەۆتىڭ يمام بولىپ كەلۋىمەن ونان ارمەن قوزا تۇسۋدە. وتكەن جىلى مەشىتتىڭ ون جىلدىق تويىنا كەلگەن باس ءمۇفتي ءابساتتار قاجى، بۇرىنعى يمام حايروللا ابىلدەبەككە ريزاشىلىعىن ءبىلدىرىپ ارقاعا قاققان ەدى. اراعا التى اي سالماي جاتىپ ونى ورنىنان الىپ تاستاۋىن حالىق تۇسىنبەي سان-ساققا جۇگىرتىپ ءجۇر.

جالپى ەكىباستۇز مەشىتىنە قىزىعاتىندار كوپ. ەكىباستۇز مەشىتىنىڭ بۇرىنعى شارۋاشىلىق باسشىسى ەرمۇحامەت قامزيننىڭ ايتۋىنشا، مەشىت سوڭعى جىلدارى ءدىني باسقارماعا قوماقتى قارجى تۇسىرگەن. ياعني، ساداقادان تۇسكەن قارجى وبلىستىق يمامنىڭ قالتاسىنا ەمەس، قمدب-نىڭ قورجىنىنا كەتكەن. الايدا بۇل وبلىستىڭ باس يمامىنا جاقپادى، سوندىقتان ول ءابىلحان جاپىشەۆكە دەيىن يمام بولعان حايروللا قاجىنى قۋدالاپ، اقىرى ونى ورنىنان الىپ تىندى دەيدى.

وسىلايشا سوڭعى جىلدارى يمانىنان گورى وتىراتىن ديۆانى قىمباتتاۋ بولىپ كەتكەن ەكىباستۇزداعى اللاھ ۇيىندە تاجىكە تالاس بەلەڭ الىپ تۇر. جاقىندا قمدب-دان ارنايى كوميسسيا قۇرىلىپ، ەكىباستۇز حالقىنان تۇسكەن شاعىم بويىنشا  مەشىتتى تەكسەرىپ قايتتى. كوميسسيا الدىندا وبلىس اكىمىنىڭ ورىنباسارى رىستى جۇمابەكوۆا، ەكىباستۇز اكىمى نۇرلان نابيەۆ جانە ايماقتىڭ باس يمامى جۇماباي ىقىلاس قازىرگى يمامدى اقتاپ، جاماعاتتى جازعىرىپتى. جەل سوقپاسا ءشوپتىڭ باسى قيمىلدامايتىن بۇل داۋ-داماي ءالى دە بىرازعا دەيىن جالعاساتىن ءتۇرى بار.