ەۋروپانى جايلاعان اپتاپ ىستىق 1300-دەن استام ادامنىڭ ءومىرىن الىپ كەتتى.

كۇشەيىپ بارا جاتقان كليماتتىق وزگەرىستەر اياسىندا ەۋروپا ەلدەرى ءبىر اپتادان استام ۋاقىت بويى قالىپتان تىس ىستىقتان زارداپ شەگۋدە.

كوپتەگەن ايماقتاردا اۋا تەمپەراتۋراسى +40 گرادۋستان اسىپ كەتتى، ال ەكسترەمالدى اۋا رايى ءولىم-ءجىتىم كورسەتكىشىنىڭ كۇرت وسۋىنە اكەلىپ سوقتى.

دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋستىڭ مالىمدەۋىنشە، ەۋروپا - جەر شارىنداعى ەڭ تەز جىلىنىپ جاتقان كونتينەنت. مۇنداعى تەمپەراتۋرانىڭ ءوسۋ قارقىنى الەمدىك ورتاشا كورسەتكىشتەن ەكى ەسە جوعارى.

«قازىرگى ۋاقىتتا 150 ميلليونعا جۋىق ادام تىم قاتتى اپتاپ ىستىق جاعدايىندا ءومىر ءسۇرىپ جاتىر. جۇزدەگەن ادام قازا تاپتى، مەكتەپتەر جابىلۋدا، ال ەنەرگيا جۇيەلەرى شەكتى قۋاتتىلىقتا جۇمىس ىستەپ تۇر. كليماتتىڭ وزگەرۋى مەن جاھاندىق جىلىنۋدىڭ كەسىرىنەن بۇرىن ء"ار ۇرپاقتا ءبىر رەت بولاتىن ىستىق" دەپ ەسەپتەلگەن قۇبىلىس قازىر جىل سايىن قايتالاناتىن بولدى. بۇل تۋرالى بىزگە الدىن الا ەسكەرتىلگەن بولاتىن»، - دەپ جازدى ول ءوزىنىڭ X پاراقشاسىندا.

ول 2026 جىلدىڭ 21 ماۋسىمىنان باستاپ ەۋروپادا اپتاپ ىستىققا بايلانىستى 1300-دەن استام ارتىق ءولىم-ءجىتىم جاعدايى تىركەلگەنىن اتاپ ءوتتى.

«جىلۋلىق سترەستى ءجيى ء"ۇنسىز قانىشەر" دەپ اتايدى. ويتكەنى ەۋروپاداعى ۇيلەر، جۇمىس ورىندارى مەن مەكتەپتەر مۇنداي ەكسترەمالدى تەمپەراتۋراعا ارنالماعان. ءبىز ەۋروپا ەلدەرىن كليماتتىڭ وزگەرۋ سالدارىنان دەنساۋلىقتى ساقتاۋدىڭ كەڭىرەك ستراتەگياسىنىڭ بولىگى رەتىندە، اپتاپ ىستىق كەزەڭىندە حالىق دەنساۋلىعىن قورعاۋ جونىندەگى ۇلتتىق ءىس-قيمىل جوسپارلارىن ەنگىزۋگە شاقىرامىز»، - دەدى ول.

Abai.kz