قاتار يراننىڭ بۇعاتتالعان 12 ميلليارد دوللارلىق اكتيۆىنىڭ 6 ميلليارد دوللارىن قايتارادى. تاراپتار ءتيىستى كەلىسىمگە كەلدى. بۇل تۋرالى يران پرەزيدەنتى ماسۋد پەزەشكيان مالىمدەگەن.

"قاتاردا ساقتالعان يراننىڭ 12 ميلليارد دوللارلىق اكتيۆىنىڭ 6 ميلليارد دوللارى بۇعاتتان شىعارىلادى جانە ەلگە قايتارىلادى. قالعان قاراجاتتى قايتارۋ جۇمىستارى دا جالعاسادى", – دەدى يران پرەزيدەنتى.

ماسۋد پەزەشكيان يران مەن اقش اراسىندا جۋىردا جاسالعان كەلىسىمدى ەل حالقى ءۇشىن ماڭىزدى جەتىستىك دەپ باعالادى. ونىڭ سوزىنشە، كەلىسىم اياسىندا مۇناي جانە مۇناي-حيميا سالالارىنا سالىنعان سانكتسيالار دا الىنعان. يران مەن اقش 18 ماۋسىمعا قاراعان ءتۇنى 28 اقپاندا باستالعان اسكەري قاقتىعىستى اياقتاۋدى كوزدەيتىن مەموراندۋمعا قاشىقتان قول قويعان بولاتىن.

ال 21 ماۋسىمدا شۆەيتساريانىڭ بيۋرگەنشتوك قالاسىندا قاتار مەن پاكىستاننىڭ ارااعايىندىعىمەن اقش پەن يران اراسىندا مەموراندۋمدى ىسكە اسىرۋ ماسەلەسىنە ارنالعان كەلىسسوزدەر ءوتتى.

Abai.kz