قازاقستان رەسپۋبليكاسى ورتالىق سايلاۋ كوميسسياسى قازاقستان رەسپۋبليكاسى قۇرىلتايىنىڭ دەپۋتاتتارىن سايلاۋدىڭ بارلىق كەزەڭدەرىندە قولدانىلاتىن سايلاۋ قۇجاتتارىنىڭ نىساندارىن بەكىتتى.

قازاقستان رەسپۋبليكاسىنىڭ «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا سايكەس پارتيالىق تىزىمدەردى ۇسىنۋ جانە تىركەۋ، سەنىم بىلدىرىلگەن ادامداردى تىركەۋ، سايلاۋشىلار تىزىمدەرىن جاساۋ، داۋىس بەرۋدى ۇيىمداستىرۋ، داۋىس بەرۋ ناتيجەلەرىن انىقتاۋ جانە سايلاۋ قورىتىندىلارىن شىعارۋ راسىمدەرىن قامتيتىن 21 قۇجاتتىڭ نىسانى بەكىتىلدى.

بەكىتىلگەن نىساندار بارلىق سايلاۋ كوميسسيالارىنىڭ سايلاۋ راسىمدەرىن بىرىڭعاي راسىمدەۋىن جانە سايلاۋ ناۋقانىنىڭ ءاربىر كەزەڭىندە كونستيتۋتسيالىق زاڭ تالاپتارىنىڭ بىركەلكى قولدانىلۋىن قامتاماسىز ەتەدى.

قاۋلى قابىلدانعاننان كەيىن سايلاۋ قۇجاتتارىنىڭ نىساندارى ورتالىق سايلاۋ كوميسسياسىنىڭ رەسمي ينتەرنەت-رەسۋرسىندا ورنالاستىرىلادى.

«بەكىتىلگەن قۇجاتتاردىڭ نىساندارى پارتيالىق تىزىمدەردى ۇسىنۋدان باستاپ سايلاۋ قورىتىندىلارىن ايقىنداۋعا دەيىنگى بارلىق سايلاۋ پروتسەسىن قامتيدى. بۇل سايلاۋ كوميسسيالارىنىڭ سايلاۋ راسىمدەرىن جۇرگىزۋدە بىرىڭعاي ءتاسىلدى قامتاماسىز ەتۋىنەجانە كونستيتۋتسيالىق زاڭ تالاپتارىنىڭ ساقتالۋىنا مۇمكىندىك بەرەدى»، - دەپ اتاپ ءوتتى قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى ازامات ايماناقۇموۆ.

Abai.kz