نۇرماحان يساەۆ ءۇش جارىم جىل پاۆلودار وبلىسىنىڭ پروكۋرورى بولىپ قىزمەت ەتتى. ونى بىلەتىن جۇرت ىسىنە ادال، ءادىل ادام دەسەدى. ءتىلشى قاۋىم اسىرەسە ونىڭ قازاق تىلىنە دەگەن قامقورلىعىن، انا تىلىندە توگىلتىپ سويلەيتىن دىلمارلىعىنا ريزا. پروكۋراتۋرا ورگاندارىنىڭ اتقارىپ جاتقان جۇمىستارىن جۇرتشىلىققا جەتكىزىپ وتىرۋ ءۇشىن جۋرناليستەردى ءجيى جىيناپ، مالىمدەمە جاساپ وتىراتىن.

وبلىس پروكۋرورىنىڭ سوڭعى ءباسپاسوز ماجىلىسىنە جىيىلعان جۇرتشىلىق توسىن مالىمدەمە ەستىدى. پروكۋرور ءوز ەركىمەن قىزمەتىنەن كەتپەكشى ەكەن. وعان قول استىنداعى قىزمەتكەرىنىڭ پارا الۋى سەبەپ بولىپتى. ناقتىلاپ ايتقاندا ەرتىس اۋدانىنىڭ پروكۋرورى باۋىرجان جاشەنوۆ 3 دوللار پارا الىپ جاتقاندا ۇقك قىزمەتكەرلەرىنىڭ قولىنا تۇسكەن.

«پارامەن ۇستالۋ» دەگەندى ەستي-ەستي بويىمىز ۇيرەنگەنى سونشاما مۇندايدا «تاعى ءبىر جەمقور قارماق قاۋىپتى» دەپ قويا سالاتىن ەدىك. بۇل جولى قولاستىنداعى قىزمەتكەرىنىڭ كەسىرىنەن باسشىسىنىڭ كرەسلوسىن بوساتقالى وتىرعانى ءبىزدى بەي-جاي قالدىرمادى. وزگەدەن ادال قىزمەت ەتۋدى تالاپ ەتەتىن يساەۆ ءوزى جىبەرگەن كەمشىلىككە ءوزى كەشىرىممەن قاراي الماپتى. بۇل دا ۇلكەن تاۋەكەلدىڭ، ەلگە ادالدىقتىڭ بەلگىسى بولسا كەرەك. تاجىريبەلى پروكۋرور نۇرماحان يساەۆ جۇمىسسىز قالماسى انىق. الايدا، ونىڭ بۇل ىسىنەن وزگەلەر، اسىرەسە باعىنىشتىلارىمەن بىرگە بىلىققا باتسا دا بىلق ەتپەيتىن بەتسىزدەر ساباق الا ما، الدە اسارىن اساپ، جاسارىن جاساپ العان سوڭ جىم-جىلاس بولاتىن «احمەتوۆتىڭ ءادىسى» كۇشىندە قالا ما، ماسەلە، وسىندا.

نۇرماحان يساەۆ ءۇش جارىم جىل پاۆلودار وبلىسىنىڭ پروكۋرورى بولىپ قىزمەت ەتتى. ونى بىلەتىن جۇرت ىسىنە ادال، ءادىل ادام دەسەدى. ءتىلشى قاۋىم اسىرەسە ونىڭ قازاق تىلىنە دەگەن قامقورلىعىن، انا تىلىندە توگىلتىپ سويلەيتىن دىلمارلىعىنا ريزا. پروكۋراتۋرا ورگاندارىنىڭ اتقارىپ جاتقان جۇمىستارىن جۇرتشىلىققا جەتكىزىپ وتىرۋ ءۇشىن جۋرناليستەردى ءجيى جىيناپ، مالىمدەمە جاساپ وتىراتىن.

وبلىس پروكۋرورىنىڭ سوڭعى ءباسپاسوز ماجىلىسىنە جىيىلعان جۇرتشىلىق توسىن مالىمدەمە ەستىدى. پروكۋرور ءوز ەركىمەن قىزمەتىنەن كەتپەكشى ەكەن. وعان قول استىنداعى قىزمەتكەرىنىڭ پارا الۋى سەبەپ بولىپتى. ناقتىلاپ ايتقاندا ەرتىس اۋدانىنىڭ پروكۋرورى باۋىرجان جاشەنوۆ 3 دوللار پارا الىپ جاتقاندا ۇقك قىزمەتكەرلەرىنىڭ قولىنا تۇسكەن.

«پارامەن ۇستالۋ» دەگەندى ەستي-ەستي بويىمىز ۇيرەنگەنى سونشاما مۇندايدا «تاعى ءبىر جەمقور قارماق قاۋىپتى» دەپ قويا سالاتىن ەدىك. بۇل جولى قولاستىنداعى قىزمەتكەرىنىڭ كەسىرىنەن باسشىسىنىڭ كرەسلوسىن بوساتقالى وتىرعانى ءبىزدى بەي-جاي قالدىرمادى. وزگەدەن ادال قىزمەت ەتۋدى تالاپ ەتەتىن يساەۆ ءوزى جىبەرگەن كەمشىلىككە ءوزى كەشىرىممەن قاراي الماپتى. بۇل دا ۇلكەن تاۋەكەلدىڭ، ەلگە ادالدىقتىڭ بەلگىسى بولسا كەرەك. تاجىريبەلى پروكۋرور نۇرماحان يساەۆ جۇمىسسىز قالماسى انىق. الايدا، ونىڭ بۇل ىسىنەن وزگەلەر، اسىرەسە باعىنىشتىلارىمەن بىرگە بىلىققا باتسا دا بىلق ەتپەيتىن بەتسىزدەر ساباق الا ما، الدە اسارىن اساپ، جاسارىن جاساپ العان سوڭ جىم-جىلاس بولاتىن «احمەتوۆتىڭ ءادىسى» كۇشىندە قالا ما، ماسەلە، وسىندا.

«اباي-ينفورم».