الماتى وبلىسى قاراساي اۋدانىنداعى كارەر اۋماعىندا توپىراق جىلجۋىنا بايلانىستى جەرگىلىكتى اۋقىمداعى توتەنشە جاعداي رەجيمى جاريالاندى، دەپ حابارلايدى الماتى وبلىسى اكىمىنىڭ ءباسپاسوز قىزمەتى.

«قاراساي اۋدانىندا قالىپتاسقان جاعدايعا بايلانىستى جەرگىلىكتى اۋقىمداعى توتەنشە جاعداي جاريالاندى. بۇل شارا قاجەتتى جۇمىستاردى جەدەل جۇرگىزۋدى جانە جۇمىلدىرىلعان قىزمەتتەردىڭ ءىس-قيمىلىن ۇيلەستىرۋدى قامتاماسىز ەتۋگە مۇمكىندىك بەرەدى»، – دەلىنگەن بەيسەنبى كۇنگى حابارلامادا.

اكىمدىكتىڭ مالىمەتىنشە، ساعات 06:50 شاماسىندا جاڭاتۇرمىس اۋىلىنداعى «اقساي كارەرى» جشس اۋماعىندا اقساي وزەنى جاعالاۋىنىڭ شايىلۋى سالدارىنان كارەردىڭ سولتۇستىك-باتىس بولىگىندە توپىراق جىلجىعان.

قاۋىپسىزدىكتى قامتاماسىز ەتۋ ماقساتىندا جاقىن ماڭدا ورنالاسقان 9 جەكە ءۇيدىڭ تۇرعىندارى ۋاقىتشا قاۋىپسىز جەرگە كوشىرىلدى. ماماندار اۋماقتى تەكسەرىپ، جاعدايدى تۇراقتاندىرۋ جۇمىستارىن جۇرگىزىپ جاتىر.

سالداردى جويۋعا 19 قىزمەتكەر مەن 14 تەحنيكا جۇمىلدىرىلعانى اتاپ ءوتىلدى. الماتى وبلىسىنىڭ باسقا اۋداندارىندا جاعداي تۇراقتى. جۇمىس بارىسى وبلىس اكىمى مەن بەيىندى مەملەكەتتىك ورگانداردىڭ باقىلاۋىندا.

Abai.kz