بىشكەكتىڭ ءبىرىنشى ماي اۋداندىق سوتى "75-ءتىڭ حاتى" دەپ اتالاتىن قىلمىستىق ءىس بويىنشا ۇكىم شىعاردى.

24.kg سايتىنىڭ جازۋىنشا، ايىپتالۋشىلار قاتارىندا قامشىبەك تاشيەۆتەن بولەك، قىرعىزستاندا كوپتەگەن جاۋاپتى قىزمەت اتقارعان تۇلعالار بار.

ولار – ەكس-باس پروكۋرور قۇرمانقۇل زۋلۋشەۆ، پارلامەنتتىڭ بۇرىنعى سپيكەرى نۇرلانبەك تۇرعىنبەكۋلۋ، قوعام قايراتكەرى بەكبولوت تالگاربەكوۆ، ىشكى ىستەر ءمينيسترىنىڭ ەكس-ورىنباسارى قۇرسان اسانوۆ، پارلامەنتتىڭ بۇرىنعى دەپۋتاتى قۇرمانبەك دىيكانباەۆ، بۇرىن ۆيتسە-پرەمەر ءارى دەپۋتات بولعان االى قاراشەۆ جانە قىرعىزستاننىڭ وزبەكستانداعى ەكس-ەلشىسى ەميلبەك ۇزاقباەۆ.

سوت تالقىلاۋى جابىق رەجيمدە وتسە دە، ۇكىم جاريا تۇردە وقىلعان. ىسكە قاتىسۋشىلاردىڭ ءبارى "بيلىكتى كۇشپەن باسىپ الۋ" بابى بويىنشا كىنالى دەپ تانىلىپ، دۇنيە-مۇلكى تاركىلەنىپ، 4 جىلعا باس بوستاندىعىنان ايىرىلدى.

سونداي-اق، سوت ايىپتالۋشىلاردى "لاۋازىمدىق وكىلەتتىگىن اسىرا پايدالانۋ" بابى بويىنشا اقتاعان. ياعني، سوت سوتتالعاندارعا قاتىستى 3 جىل مەرزىمگە پروباتسيالىق باقىلاۋ قولدانىپ وتىر. بۇل "ولاردىڭ ەشقايسىسى جازاسىن كولونيادا وتەمەيدى" دەگەندى بىلدىرەدى. دەسە دە، پروباتسيالىق باقىلاۋ تالابىن بۇزسا، جەدەل تۇردە قامالۋى مۇمكىن.

ايىپتالۋشىلاردىڭ ءبارى وزىنە تاعىلعان ايىپتاردى مويىندار ەمەس. قامشىبەك تاشيەۆ قىرعىزستاننىڭ "ەكىنشى ادامى" بولا ءجۇرىپ، دوسى سادىر جاپاروۆتى اركەز قولدايتىنىن، بىراق ءوزى پرەزيدەنتتىك سايلاۋعا قاتىسپايتىنىن ءمالىم ەتكەن بولاتىن.

Abai.kz