پرەزيدەنتتىڭ پارلامەنت پالاتالارىنىڭ بىرلەسكەن وتىرىسىندا بەرگەن تاپسىرمالارىن جۇزەگە اسىرۋ اياسىندا قازاقستاندا وڭىرلەردى گازبەن قامتۋ جەدەلدەتىلەدى. حالىقتى قامتۋ دەڭگەيى 2035 جىلعا قاراي 80%-عا دەيىن جەتپەك. بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ مالىمدەدى، دەپ حابارلايدى Egemen.kz.

ونىڭ ايتۋىنشا، بۇگىندە ەلىمىزدىڭ گازبەن قامتىلۋ دەڭگەيى – 64,2%، تابيعي گازعا 13,1 ملن ادام قول جەتكىزگەن. بيىل گاز تاسىمالداۋ جۇيەسىن دامىتۋ 40 جوبا اياسىندا جالعاسادى، ونىڭ ىشىندە 7-ءسى بۇرىننان بار جانە 33-ءى جاڭا جوبا. ەلىمىزدىڭ سولتۇستىگىن كوگىلدىر وتىنمەن قامتاماسىز ەتۋدەگى نەگىزگى قادام – قازاقستان ۇكىمەتى مەن «گازپروم» جاق اراسىندا «ەسىل – استانا» ماگيسترالدىق گاز قۇبىرىن سالۋ تۋرالى مەموراندۋمعا قول قويىلعانى. جوبا استانا، كوكشەتاۋ جانە پەتروپاۆل قالالارىن گازبەن تۇراقتى جابدىقتاۋعا كەپىلدىك بەرەدى، سونداي-اق ەلىمىزدىڭ سولتۇستىك وڭىرلەرىنە تابيعي گاز جەتكىزۋ باعىتتارىن ارتاراپتاندىرۋعا مۇمكىندىك پايدا بولادى.

«ەلىمىزدى گازداندىرۋ دەڭگەيىن 2035 جىلعا قاراي 64,2%-دان 80%-عا دەيىن جەتكىزۋ جوسپارلانىپ وتىر. 2025 جىلدىڭ قورىتىندىسى بويىنشا گاز ءترانزيتى – 70,4 ملرد تەكشە مەتر، 2026 جىلعا ارنالعان جوسپار – 73,3 ملرد تەكشە مەتر. 2026 جىلدىڭ 5 ايىنداعى ناقتى كورسەتكىش 30,3 ملرد تەكشە مەتردى قۇرادى»، - دەدى مينيستر.

ايتا كەتەيىك، پرەمەر-مينيستر ولجاس بەكتەنوۆتىڭ توراعالىعىمەن ءوتىپ جاتقان ۇكىمەت وتىرىسىندا گاز سالاسىن دامىتۋ ماسەلەلەرى قارالدى.

Abai.kz