ورتالىق سايلاۋ كوميسسياسىنىڭ حاتشىسى پارتيالىق تىزىمگە ەنگەن كانديداتتارعا قويىلاتىن تالاپتار تۋرالى ايتىپ بەردى. شاۆحات وتەمىسوۆ سونداي-اق قۇرىلتاي دەپۋتاتتىعىنا كانديداتتاردى ۇسىنۋ 2026 جىلعى 13 شىلدەدە ساعات 18:00-دە اياقتالعانىن اتاپ ءوتتى.

«2026 جىلعى 13 شىلدە ساعات 18:00-دەگى جاعداي بويىنشا ورتالىق سايلاۋ كوميسسياسىنا 7 ساياسي پارتيانىڭ پارتيالىق تىزىمدەرى ۇسىنىلدى: قازاقستاننىڭ «اق جول» دەموكراتيالىق پارتياسى» قوعامدىق بىرلەستىگى - 63 كانديدات، «اۋىل» پارتياسى» رەسپۋبليكالىق قوعامدىق بىرلەستىگى - 69 كانديدات، «ادىلەت» ساياسي پارتياسى» قوعامدىق بىرلەستىگى - 186 كانديدات، قازاقستاننىڭ «بايتاق» جاسىلدار پارتياسى» قوعامدىق بىرلەستىگى - 47 كانديدات، «قازاقستان حالىق پارتياسى» قوعامدىق بىرلەستىگى - 72 كانديدات، «جالپىۇلتتىق سوتسيال-دەموكراتيالىق پارتيا» رەسپۋبليكالىق قوعامدىق بىرلەستىگى - 33 كانديدات، «Respublica» پارتياسى» قوعامدىق بىرلەستىگى - 76 كانديدات», - دەدى شاۆحات وتەمىسوۆ.

وسك حاتشىسى سونداي-اق «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا كوزدەلگەن نورمالار، زاڭنامادا بەلگىلەنگەن تارتىپپەن تىركەلگەن ساياسي پارتيالاردىڭ قۇقىقتارى تۋرالى ايتتى.

«قازىرگى ۋاقىتتا بارلىق ساياسي پارتيالاردىڭ قۇجاتتارى پارتيالىق تىزىمگە ەنگىزىلگەن ازاماتتاردىڭ كونستيتۋتسيانىڭ 35-بابىنىڭ 3-تارماعىندا، 54-بابىنىڭ 3-تارماعىندا جانە كونستيتۋتسيالىق زاڭنىڭ 4-بابىندا بەلگىلەنگەن تالاپتارعا سايكەستىگىن تەكسەرۋ ءۇشىن ءتيىستى ۋاكىلەتتى مەملەكەتتىك ورگاندارعا جولداندى. ساياسي پارتيالار ۇسىنعان پارتيالىق تىزىمدەردى تىركەۋ 2026 جىلعى 23 شىلدەدە ساعات 18:00-دە اياقتالادى», - دەپ تۇيىندەدى شاۆحات وتەمىسوۆ.

Abai.kz