گەرمانيا قازاقستاننان مۇناي جەتكىزۋ توقتاتىلعاننان كەيىن وڭتۇستىك امەريكادان شيكىزات الا باستادى، - دەپ جازادى qaz365.kz. 

گەرمانياداعى PCK Schwedt مۇناي وڭدەۋ زاۋىتى ء(موز) «درۋجبا» قۇبىرى ارقىلى قازاقستاندىق شيكىزاتتى جەتكىزۋ توقتاتىلعاننان كەيىن وڭتۇستىك امەريكادان مۇناي الا باستادى. بۇل تۋرالى پولشانىڭ Unimot ەنەرگەتيكالىق كومپانياسى ءمالىم ەتتى.

وسى جىلدىڭ ماۋسىم ايىندا شيكى مۇنايدىڭ العاشقى پارتياسى تەڭىز جولىمەن پولشانىڭ گدانسك پورتىنا جەتكىزىلىپ، سودان كەيىن PERN وپەراتورىنىڭ قۇبىرى ارقىلى PCK Schwedt ءموز-ىنە باعىتتالدى. بۇل زاۋىت بەرلين مەن براندەنبۋرگ فەدەرالدىق جەرىنىڭ بەنزينگە، ديزەلدىك وتىنعا جانە مازۋتقا دەگەن سۇرانىسىنىڭ شامامەن 90%-ىن قامتاماسىز ەتەدى، سونداي-اق پولشانىڭ باتىس ايماقتارىنا جانارماي جەتكىزەدى.

كاسىپورىن 2026 جىلدىڭ مامىر ايىنا دەيىن رەسەيدىڭ «درۋجبا» مۇناي قۇبىرى ارقىلى تاسىمالداناتىن قازاقستاندىق مۇنايدى وڭدەپ كەلگەن ەدى. الايدا 1 مامىردان باستاپ بۇل جەتكىزىلىمدەر توقتاتىلدى. رەسەيلىك «ترانسنەفت» كومپانياسى مۇنى ءارى قاراي تاسىمالداۋ ءۇشىن تەحنيكالىق مۇمكىندىكتىڭ جوقتىعىمەن ءتۇسىندىردى.

Abai.kz