2026 جىلعى ماۋسىم ايىندا قازاقستان رەسپۋبليكاسىندا 167 878 اۆتوكولىك ەسەپكە قويىلدى. بۇل اعىمداعى جىلدىڭ مامىر ايىنداعى كورسەتكىشپەن (147 668 بىرلىك) سالىستىرعاندا 13,7% جوعارى.

ەسەپكە قويىلعان اۆتوكولىكتەردىڭ جالپى سانىنىڭ 87,4% جەڭىل اۆتوموبيلدەر، 5,7% جۇك اۆتوموبيلدەرى، 2,4% تىركەمەلەر، 1% موتوتسيكلدەر، 0,9% اۆتوبۋستار جانە 2,6% وزگە دە اۆتوكولىك قۇرالدارى قۇرادى.

ماۋسىم ايىندا ەسەپكە قويىلعان كولىكتەردىڭ قوزعالتقىش كولەمى بويىنشا 34,5% 1500–2000 سم³ ارالىعىنا تيەسىلى.

پايدالانىلاتىن وتىن تۇرلەرى بويىنشا:
بەنزينمەن جۇرەتىن – 136 232 كولىك قۇرالى (جالپى سانىنىڭ 81,1%);
ديزەل وتىنىمەن جۇرەتىن – 10 845 كولىك قۇرالى (6,5%);
گازبەن جۇرەتىن – 895 كولىك قۇرالى (0,5%);
ارالاس وتىن ءتۇرىن پايدالاناتىن – 11 183 كولىك قۇرالى (6,7%);
ەلەكتر قۋاتىمەن جۇرەتىن – 2 872 كولىك قۇرالى (1,7%);
وتىن ءتۇرى كورسەتىلمەگەن – 5 851 كولىك قۇرالى.

2026 جىلعى 1 شىلدەدەگى جاعداي بويىنشا قازاقستان رەسپۋبليكاسىندا 6 025,9 مىڭ اۆتوكولىك تىركەلگەن. تىركەلگەن اۆتوپارك قۇرىلىمىندا ەڭ جوعارى ۇلەستى جەڭىل اۆتوموبيلدەر قۇرايدى – 5 053,7 مىڭ بىرلىك (جالپى سانىنىڭ 83,9%). ودان كەيىن جۇك اۆتوموبيلدەرى – 493,7 مىڭ بىرلىك (8,2%), تىركەمەلەر – 262,3 مىڭ بىرلىك (4,4%), اۆتوبۋستار – 89,5 مىڭ بىرلىك (1,5%), موتوتسيكلدەر – 74,2 مىڭ بىرلىك (1,2%) جانە وزگە دە كولىك قۇرالدارى – 52,6 مىڭ بىرلىك (0,9%).

اۆتوكولىك پاركىنىڭ ەڭ كوپ بولىگى الماتى قالاسىندا (733,3 مىڭ بىرلىك) جانە الماتى وبلىسىندا (646,3 مىڭ بىرلىك) تىركەلگەن.

*قازاقستان رەسپۋبليكاسى ىشكى ىستەر مينيسترلىگىنىڭ دەرەكتەرى بويىنشا.

Abai.kz