پارتيالارعا حالىقشىل، مەملەكەتشىل، بىلىمدىلىك تۇرعىدا كوزگە ءتۇسىپ، ليدەرلىك پەن باتىلدىق تانىتىپ جۇرگەن ازاماتتاردى ءوز تىزىمىنە ەنگىزۋ - ارينە، ونىڭ كەلىسىمىمەن - تۇككە تۇرمايتىن تىرلىك قوي...

بىراق، بىزدەگى پارتيالاردىڭ بىرەۋى دە ونداي قادام تۇگىلى يشارا جاسامادى!

سەبەپ؟

پارتيالاردىڭ شىن "مەملەكەتشىلدىگى" ولاردىڭ ليدەرلەرىنە پروپورتسيونالدى تاۋەلدى.

ەگەر، پارتيا جەتەكشىسىنىڭ باتىلدىعى بولماسا، ءبىلىمى از بولسا، ۇلتتىڭ جانە مەملەكەتتىڭ بولاشاعىن الىستان بولجاي الماسا - وندا ء"تىزىمدى" پارتيا مۇشەلەرىنىڭ سەزگە كيىپ كەلگەن كيىمىنە قاراپ تا جاساي سالۋ - ابدەن مۇمكىن نارسە عوي!..

سوندىقتان، پارتيالار نە سەبەپتەن حالىقتىڭ ورتاسىندا رەيتينگى جوعارى بولعان، بارلىق جاعىنان ادىلەتتى قازاقستان قويعان تالاپتارعا جاۋاپ بەرە الاتىن بىرقاتار تۇلعالاردى ء"وز تىزىمدەرىنە" ەندىرە الماعاندارىن جۇرتقا تاپپىشتەپ ءتۇسىندىرىپ بەرسە دۇرىس بولار ەدى!..

سونىمەن بىرگە، قۇرىلتايعا دەپ جاساعان تىزىمدەگى ءاربىر تۇلعاعا قاتىستى "ول قانداي كريتەريلەر بويىنشا تىزىمگە الىندى؟

پارتيا ودان قانداي ءۇمىت كۇتەدى؟" دەگەن سۇراقتارعا جاۋاپ بەرىپ، وسى باستان ونىمەن سايلاۋشىلارىن تانىستىرا باستاۋلارى دا كەرەك!

ءابدىراشيت باكىرۇلى

Abai.kz