ۇلتتىق بولمىستى جاڭا ساپالىق دەڭگەيگە كوتەرۋ ءۇشىن قازىرگى جاستار تەك كوككە قاراپ، ءوز كۇشى مەن ەركىندىگىنە سەنىپ ءوسۋى ءتيىس دەگەندى ايتادى نۇرتورە ءجۇسىپ.

«حح عاسىردىڭ باسىندا احمەت بايتۇرسىنۇلى نۇسقاعان «ءبىلىمدى، باي جانە كۇشتى بولۋ» قاعيداسى بۇگىنگى تاۋەلسىز ەل ۇرپاعى ءۇشىن دە باستى باعدار بولۋى قاجەت. تاۋەلسىزدىكتىڭ ارقاسىندا كەز كەلگەن جوبا مەن كاسىپتى، ەل بولاشاعىن ءوز قولىمىزبەن شەشۋگە تولىق مۇمكىندىك تۋدى، سوندىقتان جاس بۋىن وسى جاۋاپكەرشىلىكتى تەرەڭ سەزىنۋى شارت»، - دەيدى ن.ءجۇسىپ.

نۇرتورە ءجۇسىپ ءححى عاسىردا قازاق ەلى الەمدىك ارەنادا تەرەزەسى تەڭ مەملەكەتكە اينالعانىن، ەندىگى كەزەكتە ىشكى بىرلىك پەن ساپالىق ءوسۋ ءبىرىنشى ورىنعا شىعاتىنىن العا تارتادى.

«بۇگىنگى ۇرپاقتىڭ باستى ارتىقشىلىعى - بۇرىنعىداي جالتاقتاماي، ءوز تاعدىرىن وزدەرى ايقىنداي الۋىندا. وسى ورايدا سپيكەر جاستاردى ءبىلىم مەن بىرلىكتىڭ كۇشىمەن ۇلتتىڭ جاڭا بەلەسىن باعىندىرۋعا شاقىرادى»، - دەيدى نۇرتورە ءجۇسىپ.

Abai.kz