19 شىلدەدە كورەيا رەسپۋبليكاسىنىڭ پۋسان قالاسىندا يۋنەسكو-نىڭ دۇنيەجۇزىلىك مۇرا كوميتەتىنىڭ 48-سەسسياسى ءوز جۇمىسىن باستادى. سەسسيا 29 شىلدەگە دەيىن جالعاسادى.

شارانىڭ رەسمي اشىلۋ راسىمىنە كورەيا رەسپۋبليكاسىنىڭ پرەزيدەنتى لي چجە ميون جانە يۋنەسكو-نىڭ باس ديرەكتورى حالەد ءال اناني قاتىستى.

سەسسياعا يۋنەسكو-نىڭ دۇنيەجۇزىلىك مادەني جانە تابيعي مۇرانى قورعاۋ تۋرالى كونۆەنتسياسىنا 196 مەملەكەتتەن شامامەن 3 000 قاتىسۋشى، سونداي-اق حالىقارالىق ۇيىمدار مەن ساراپشىلىق قاۋىمداستىقتىڭ وكىلدەرىن بىرىكتىردى.

وتىرىس بارىسىندا ۇيىم دۇنيەجۇزىلىك مۇرا تىزىمىنە 30 جاڭا ۇسىنىستىڭ ەنگىزىلۋىن، سونداي-اق مۇرا وبەكتىلەرىنىڭ ساقتالۋ جاي-كۇيىنە قاتىستى 147 ەسەپتى قاراستىرادى.

قازاقستان دەلەگاتسياسى دۇنيەجۇزىلىك مۇرا كوميتەتىنىڭ مۇشەسى رەتىندە سەسسيا جۇمىسىنا بەلسەندى قاتىسۋدا.

سەسسيا بارىسىندا قازاقستان ۇسىنعان «ماڭعىستاۋدىڭ جەراستى مەشىتتەرى جانە ولارمەن بايلانىستى كيەلى نىساندار» نوميناتسياسىن قاراۋ جوسپارلانىپ وتىر.

ەسكە سالا كەتەيىك، اتىراۋدا وتكەن ۇلتتىق قۇرىلتايدىڭ وتىرىسىندا مەملەكەت باسشىسى قاسىم-جومارت توقاەۆ ماڭعىستاۋداعى بىرەگەي جەراستى مەشىتتەرىن يۋنەسكو-نىڭ دۇنيەجۇزىلىك مۇرالار تىزىمىنە ەنگىزۋ باعىتىنداعى جۇمىستى باستاۋدى تاپسىرعان بولاتىن.

Abai.kz