2026 جىلعى I توقساندا حالىقتىڭ جۇمىسپەن قامتىلۋىن ىرىكتەپ زەرتتەۋى دەرەكتەرى بويىنشا، قازاقستانداعى جۇمىسپەن قامتىلعان ايەلدەر سانى 4 527,1 مىڭ ادامدى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 42,6 مىڭ ادامعا نەمەسە 0,9% كوپ.

ولاردىڭ ىشىندە 3 602,0 مىڭ ادام (ەكونوميكاداعى جۇمىسپەن قامتىلعان ايەلدەردىڭ جالپى سانىنىڭ 79,6%) جالدامالى قىزمەتكەرلەر بولسا، 925,1 مىڭ ادام (20,4%) ءوزىن-ءوزى جۇمىسپەن قامتىعاندار.

جۇمىسپەن قامتىلعان ايەلدەردىڭ ەڭ كوپ ۇلەسى ءداستۇرلى تۇردە ءبىلىم بەرۋ سالاسىندا شوعىرلانعان. بۇل سالادا 902,2 مىڭ ايەل ەڭبەك ەتەدى، بۇل جۇمىسپەن قامتىلعان ايەلدەردىڭ جالپى سانىنىڭ 19,9% قۇرايدى. ەكىنشى ورىندا كوتەرمە جانە بولشەك ساۋدا سالاسى – 877,6 مىڭ ادام (19,4%), ءۇشىنشى ورىندا دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالاسى – 426,3 مىڭ ادام (9,4%). سونداي-اق ونەركاسىپتە 388,1 مىڭ ايەل (8,6%), اۋىل، ورمان جانە بالىق شارۋاشىلىعى سالاسىندا 351,2 مىڭ ايەل (7,8%) جۇمىسپەن قامتىلعان.

ءبىر جىل ىشىندە جۇمىسپەن قامتىلعان ايەلدەر سانىنىڭ ەڭ جوعارى ءوسىمى جىلجىمايتىن مۇلىكپەن وپەراتسيالار سالاسىندا (+25,7%), اكىمشىلىك جانە قوسالقى قىزمەت كورسەتۋ سالاسىندا (+21,9%), كولىك جانە قويمالاۋ قىزمەتىندە (+16,2%) جانە ونەركاسىپتە (+7,6%) تىركەلدى.

وڭىرلەر بولىنىسىندە جۇمىسپەن قامتىلعان ايەلدەر سانىنىڭ ەڭ جوعارى ءوسىمى قاراعاندى وبلىسىندا (+7,8%), اقتوبە وبلىسىندا (+6,5%), الماتى قالاسىندا (+6,3%) جانە تۇركىستان وبلىسىندا (+6,1%) بايقالدى.

قالا حالقى اراسىندا جۇمىسپەن قامتىلعان ايەلدەر سانى اۋىلدىق جەرلەرمەن سالىستىرعاندا جوعارى بولدى. قالالىق جەرلەردە جۇمىسپەن قامتىلعان ايەلدەر سانى 3 008,5 مىڭ ادامدى قۇرادى.

Abai.kz