سوعىسقا قاتىسقاندار تىزىمىنەن ءوزىن تاپقان قازاقستاندىق باس پروكۋراتۋرا مەن ءىىم-نەن جۋرناليست لۇقپان احمەدياروۆتى جاۋاپقا تارتۋدى سۇرادى 

قازاقستاندىق ازامات جۋرناليست لۇقپان احمەدياروۆتى جالا جاپقانى ءۇشىن جاۋاپقا تارتۋدى تالاپ ەتتى .

تۋىستارىمەن اراداعى قارىم قاتىناستىڭ بۇزىلۋى جانە جۇمىسىنان ايىرىلىپ قالۋ قاۋپى – رۋسلان مۇحامەدوۆ جۋرناليست لۇقپان احمەدياروۆتىڭ جاريالانىمىنان كەيىنگى جاعدايىن وسىلاي سيپاتتايدى. ونىڭ ايتۋىنشا، جاريالانعان ماتەريالدا ونىڭ ەسىمى رەسەي تاراپىنان ۋكرايناعا قارسى سوعىسقا قاتىسىپ جۇرگەندىڭ تىزىمىنە ەنگىزىلگەن. 

جۋرناليست لۇقپان احمەدياروۆتىڭ جاريالانىمىنان ءوزىنىڭ دەرەكتەرىن تاپقان مۇحامەدوۆ باس پروكۋرور مەن ىشكى ىستەر مينيسترىنە بەينەۇندەۋ جاسادى. 

بەينەۇندەۋىندە ول جۋرناليست ءوزىنىڭ ۋكراينا مەن رەسەي اراسىنداعى اسكەري قاقتىعىسقا قاتىسقانى تۋرالى تەكسەرىلمەگەن اقپارات تاراتقانىن ايتادى. مۇحامەدوۆ مۇنى جوققا شىعارىپ، رەسەيگە سوعىسقا قاتىسۋ ءۇشىن ەمەس، تەك جۇمىس ىستەۋ ءۇشىن بارىپ جۇرگەنىن مالىمدەدى. 

«مەن رەسەيدە ۆاحتالىق ادىسپەن جۇمىس ىستەيمىن. بۇل جاعدايعا مەنىڭ ەشقانداي قاتىسىم جوق»، – دەيدى ول. 

مۇحامەدوۆتىڭ ايتۋىنشا، اقپارات تاراعاننان كەيىن ونىڭ بەدەلىنە نۇقسان كەلگەن. ول كەيبىر دوستارىمەن جانە تۋىستارىمەن قارىم-قاتىناسى ۇزىلگەنىن ايتىپ، ەندى بۇل جاعداي جۇمىسىنا دا كەرى اسەر ەتۋى مۇمكىن دەپ الاڭدايدى. 

مۇحامەدوۆتىڭ ەرەكشە نارازىلىعىن تۋدىرعان جايت –اقپاراتتىڭ، ونىڭ پىكىرىنشە، ءتيىستى دەڭگەيدە تەكسەرىلمەي جاريالانۋى. بەينەۇندەۋىندە ول Facebook جەلىسىنەن وقىعان جازباعا دا توقتالىپ، ءسوز بوستاندىعىنىڭ شەگى مەن اقپارات تاراتقان ادامنىڭ جاۋاپكەرشىلىگى تۋرالى پىكىر بىلدىرەدى. 

«ءسوز بوستاندىعى تەكسەرىلمەگەن اقپاراتتى جاريالاۋعا قۇقىق بەرمەيدى»، –دەيدى مۇحامەدوۆ. 

ونىڭ باستى تالابى – ءوزىنىڭ دەرەكتەرى بۇل تىزىمگە قالاي ەنگەنىن انىقتاپ،جۋرناليست لۇقپان احمەدياروۆتىڭ ارەكەتىنە قۇقىقتىق باعا بەرۋ. 

«مەن قىلمىسكەر ەمەسپىن. مەن – ادال اتىنا نۇقسان كەلگەن ازاماتپىن. وسى ءجۋرناليستى زاڭ بويىنشا قاتاڭ جازالاۋدى سۇرايمىن»،  دەپ رۋسلان مۇحامەدوۆ ءوز ۇندەۋىن اياقتادى. 

Abai.kz