Jibek Joly تەلەارناسىندا قازاقستان تاريحىنداعى العاشقى قۇرىلتاي سايلاۋىنا قاتىساتىن ساياسي پارتيالار وكىلدەرىنىڭ كوماندالىق تەلەدەباتى باستالدى.

كەشە وتكەن اشىق جەرەبەنىڭ قورىتىندىسىنا سايكەس، پارتيا كوماندالارىنىڭ ءسوز سويلەۋ كەزەگى تومەندەگىدەي بەلگىلەندى:

1. «اق جول» – بەك-مۇحامەد جاۋكەباەۆ جانە ەرمەك ءابىلدين;

2. وسدپ – لاريسا لي جانە نۇرايناش كامالوۆا;

3. «ادىلەت» – ايجان ايماعانوۆا جانە ءمادي مىرزاعاراەۆ;

4. قازاقستاننىڭ حالىق پارتياسى – جاندوس بيدايبەكوۆ جانە يرينا سميرنوۆا;

5. «اۋىل» – جازيرا سۇلتانقۇلوۆا جانە ەربولات ساۋرىقوۆ;

6. «بايتاق» – امالبەك ءومىرتاي جانە المات تۇرتاەۆ;

7. Respublica – ولجاس كۇسپەكوۆ جانە دينارا شۇكىجانوۆا.

دەبات باستالار الدىندا استاناداعى «قازمەديا ورتالىعىنىڭ» فويەسىندە ساياسي پىكىرتالاسقا قاتىسۋشىلاردى قولداۋ كورسەتۋگە كەلگەن جاقتاستارى قارسى الدى.

دەباتتىڭ نەگىزگى تاقىرىبى – «زاڭ مەن ءتارتىپ – ادىلەتتى قازاقستاننىڭ نەگىزى». پىكىرتالاستىڭ وزەگىندە «زاڭ مەن ءتارتىپ» قاعيداتى جانە ونىڭ ادىلەتتى قوعام قالىپتاستىرۋداعى ءرولى تۇر.

پىكىرسايىس ءتورت كەزەڭنەن تۇرادى. ءبىرىنشى كەزەڭدە قاتىسۋشىلار قارسىلاستارىنىڭ سايلاۋالدى باعدارلامالارىنا تالداۋ جاسايدى. ءار پارتياعا 2,5 مينۋتتان ۋاقىت بەرىلەدى.

ەكىنشى كەزەڭدە پارتيا وكىلدەرى جۋرناليستەر مەن كورەرمەندەردىڭ سۇراقتارىنا جاۋاپ بەرەدى. ءار جاۋاپتىڭ ۇزاقتىعى 90 سەكۋندتان اسپايدى.

ءۇشىنشى كەزەڭدە قاتىسۋشىلار قارسىلاستارىنا سۇراق قويىپ، ءوز ۇستانىمدارىن دالەلدەۋگە مۇمكىندىك الادى. بۇل كەزەڭدە جاۋاپ بەرۋگە ەكى مينۋت ۋاقىت قاراستىرىلعان.

دەباتتىڭ قورىتىندى بولىمىندە ءار قاتىسۋشى ءوز پارتياسىنىڭ اتىنان «ۋادە» فورماتىندا جاريا مىندەتتەمە الادى. وسى كەزەڭدە پارتيا وكىلدەرى قۇرىلتايعا سايلانعان جاعدايدا الداعى بەس جىل ىشىندە حالىق ءۇشىن ناقتى قانداي جۇمىستار اتقاراتىنىن جانە سايلاۋشىلار الدىندا قانداي مىندەتتەمەلەر الاتىنىن ايتادى.

دەباتقا كورەرمەندەر دە بەلسەندى قاتىسا الادى.

تىكەلەي ەفير بارىسىندا ولار ەكرانداعى QR-كودتى سكانەرلەۋ ارقىلى نەمەسە +7 700 101 40 00. WhatsApp نومىرىنە حابارلاما جىبەرىپ، قاتىسۋشىلارعا سۇراق قويا الادى. كورەرمەندەردەن كەلىپ تۇسكەن سۇراقتار تىكەلەي ساياسي پارتيا وكىلدەرىنە قويىلادى.

سونىمەن قاتار دەبات بارىسىندا Jibek Joly تەلەارناسىنىڭ تاپسىرىسى بويىنشا قازاقستاننىڭ قوعامدىق دامۋ ينستيتۋتى ۇيىمداستىرعان ونلاين-ساۋالناما جۇرگىزىلۋدە.

ساۋالنامانىڭ نەگىزگى سۇراعى: «قاي ساياسي پارتيا سپيكەرىنىڭ ءسوزى سىزگە كوبىرەك ۇنادى؟»

داۋىس بەرۋگە قاتىسۋ ءۇشىن سمارتفون كامەراسىن ەكراندا كورسەتىلگەن QR-كودقا باعىتتاۋ قاجەت.

تەلەدەباتتىڭ تىكەلەي ەفيرىن Instagram, Facebook جانە YouTube پلاتفورمالارىنان كورە الاسىزدار.

Telegram: Jibek Joly TV Debate

YouTube: Jibek Joly TV

Instagram: @jibek_joly.tv @jibekjoly_news

تىكەلەي ەفيردىڭ رەزەرۆتىك ارناسى – Jibek Joly News

Abai.kz