كەگەن اۋدانىنداعى جايداقبۇلاق اۋىلىندا زاماناۋي مەديتسينالىق پۋنكت ىسكە قوسىلىپ، تۇرعىندارعا العاشقى كومەك قولجەتىمدى بولدى.

كەگەن اۋدانىنىڭ جايداقبۇلاق اۋىلىندا تۇرعىندارعا العاشقى مەديتسينالىق-سانيتارلىق كومەكتى قولجەتىمدى ەتۋ ماقساتىندا جاڭا مەديتسينالىق پۋنكت اشىلدى.

مەديتسينالىق نىساننىڭ اشىلۋ سالتاناتى 2026 جىلعى 19 تامىزدا ءوتتى. سالتاناتتى شاراعا كەگەن اۋدانىنىڭ اكىمى نۇرباقىت تەڭىزباەۆ، مەملەكەت جانە قوعام قايراتكەرلەرى، ءماسليحات دەپۋتاتتارى، باسقارما، مەكەمە جانە ۇيىم باسشىلارى، اۋداننىڭ اقساقالدارى مەن ارداگەرلەرى، انالار كەڭەسىنىڭ وكىلدەرى، جاستار، ەرىكتىلەر جانە اۋىل تۇرعىندارى قاتىستى.

جاڭا مەديتسينالىق پۋنكتتىڭ اشىلۋى – مەملەكەت باسشىسىنىڭ حالىقتىڭ ءومىر ءسۇرۋ ساپاسىن جاقسارتۋ، اۋىلدىق جەرلەردەگى الەۋمەتتىك ينفراقۇرىلىمدى دامىتۋ جانە مەديتسينالىق كومەكتىڭ قولجەتىمدىلىگىن قامتاماسىز ەتۋ جونىندەگى تاپسىرمالارىن ىسكە اسىرۋ باعىتىنداعى جۇمىستاردىڭ ناقتى ناتيجەسى.

زاماناۋي تالاپتارعا ساي سالىنعان مەديتسينالىق پۋنكت اۋىل تۇرعىندارىنا العاشقى مەديتسينالىق كومەك كورسەتۋگە، پروفيلاكتيكالىق تەكسەرۋلەر جۇرگىزۋگە، اۋرۋلاردىڭ الدىن الۋعا، انا مەن بالا دەنساۋلىعىن قورعاۋعا جانە قاجەتتى جاعدايدا شۇعىل مەديتسينالىق كومەك كورسەتۋگە مۇمكىندىك بەرەدى.

بۇعان دەيىن مەديتسينالىق قىزمەت الۋ ءۇشىن الىس قاشىقتىققا قاتىناۋعا ءماجبۇر بولعان تۇرعىندار ءۇشىن جاڭا نىساننىڭ ىسكە قوسىلۋى ماڭىزدى الەۋمەتتىك قولداۋ بولىپ وتىر. ەندى اۋىل حالقى قاجەتتى مەديتسينالىق كومەكتى ءوز ەلدى مەكەنىندە الۋعا مۇمكىندىك الدى.

اشىلۋ سالتاناتىندا اۋدان اكىمى نۇرباقىت تەڭىزباەۆ اۋىل تۇرعىندارىن جاڭا نىساننىڭ پايدالانۋعا بەرىلۋىمەن قۇتتىقتاپ، دەنساۋلىق ساقتاۋ سالاسىن دامىتۋ مەن حالىققا ساپالى قىزمەت كورسەتۋدىڭ ماڭىزدىلىعىنا توقتالدى.

شارا بارىسىندا جاڭا مەديتسينالىق پۋنكتتىڭ لەنتاسى قيىلىپ، اقجولتاي تىلەكتەر ايتىلدى. سالتاناتتى جيىن اۋداندىق كوركەمونەرپازداردىڭ كونتسەرتتىك باعدارلاماسىمەن جالعاستى.

جاڭا مەديتسينالىق پۋنكتتىڭ اشىلۋى – جايداقبۇلاق اۋىلىنىڭ الەۋمەتتىك ينفراقۇرىلىمىن نىعايتىپ قانا قويماي، تۇرعىنداردىڭ دەنساۋلىعىن ساقتاۋعا جانە مەديتسينالىق كومەكتىڭ ساپاسى مەن قولجەتىمدىلىگىن ارتتىرۋعا جاسالعان ماڭىزدى قادام.

Abai.kz