«حالىق ءوز تاڭداۋىن جاسادى»: «اق جول» پارتياسىنىڭ كوشباسشىسى دانيا ەسپاەۆا قازاقستاندىقتارعا ۇندەۋ جولدادى
قۇرمەتتى دوستار!
قۇرىلتايدىڭ العاشقى سايلاۋى مارەسىنە جەتىپ، قورىتىندىسى جاريالاندى. قازاقستان حالقى ءوز تاڭداۋىن جاسادى. ال، «اق جول» دەموكراتيالىق پارتياسى ءۇشىن ەلىمىزدىڭ جوعارى زاڭ شىعارۋشى ورگانىنىڭ قۇرامىنا سايلانۋ – ۇلكەن مارتەبە.
بىزگە سەنىم بىلدىرگەن سايلاۋشىلارىمىزعا شىنايى العىسىمدى بىلدىرەمىن. «اق جول» دەمپارتياسىنىڭ قۇرىلتاي دەپۋتاتتارى بۇل سەنىمدى ادال ءارى تاباندى ەڭبەگىمەن اقتايدى.
سونداي-اق، پارتيامىزدىڭ بارشا ۇزەڭگىلەستەردى وتكەن سايلاۋنىڭ لايىقتى ناتيجەلەرمەن قۇتتىقتاي وتىرىپ، ساياسي كەڭەس مۇشەلەرىنە، قۇرىلتايعا كانديداتتارعا، فيليالداردىڭ باسشىلارى مەن بەلسەندىلەرىنە، ۆولونتەرلەرگە، سەنىمدى وكىلدەر مەن بايقاۋشىلارعا، سونىمەن قاتار، ەڭ الدىمەن، پارتيا توراعاسى دانيا ەسپاەۆاعا – سايلاۋ ناۋقانىن تابىستى وتكىزۋگە قوسقان ۇلەستەرى، مىڭداعان سايلاۋشىمەن وتكىزگەن جۇزدەگەن كەزدەسۋلەرى، جارقىن تەلەدەباتتارى جانە اۋقىمدى ءتۇسىندىرۋ جۇمىستارى ءۇشىن زور ريزاشىلىعىمدى بىلدىرەمىن.
«اق جول» دەموكراتيالىق پارتياسى قوعامعا ناقتى باعدارلاماسى مەن نارىقتىق ەكونوميكانى دامىتۋ، كاسىپكەرلىك پەن وتاندىق وندىرۋشىلەردى قورعاۋ، زاڭدىلىقتى، الەۋمەتتىك ادىلەتتىلىكتى جانە ۇلتتىق مۇددەلەردى نىعايتۋ جونىندەگى ايقىن ۇسىنىستارىن تانىستىردى.
قازاقستان رەسپۋبليكاسى ءوزىنىڭ دامۋىنداعى جاڭا تاريحي داۋىرگە – قۋاتتى مەملەكەت، ادىلەتتى قوعام جانە دامىعان ەكونوميكا قالىپتاستىرۋ داۋىرىنە قادام باسىپ وتىر.
بۇل جاڭا داۋىردە «اق جول» دەموكراتيالىق پارتياسى دا وزىنە جۇكتەلگەن ماڭىزدى مىندەتتەردى اتقارۋعا ءتيىس.
وزگەرىستەر قاجەت!
Abai.kz
