26 تامىزدا ۋكراينا پرەزيدەنتى ۆلاديمير زەلەنسكي SpaceX نەگىزىن قالاۋشى يلون ماسكقا ۋكراينانىڭ ەڭ جوعارى ۇلتتىق ماراپاتتارىنىڭ ءبىرى - «بوستاندىق» وردەنىن بەرۋ تۋرالى پرەزيدەنت جارلىعىنا قول قويدى. بۇل وردەن ونىڭ «ادام ءومىرى مەن بوستاندىعىن قورعاۋعا جانە ۋكراينا مەن امەريكا قۇراما شتاتتارى اراسىنداعى قارىم-قاتىناستى نىعايتۋعا قوسقان ەرەكشە ۇلەسى» ءۇشىن بەرىلگەن. ماسكتىڭ ءوزى ماراپات تۋرالى ءالى پىكىر بىلدىرگەن جوق.

ماسكتىڭ ۋكراينامەن قارىم-قاتىناسى Starlink-پەن تىعىز بايلانىستى. رەسەي اسكەرى 2022 جىلى ۋكرايناعا باسىپ كىرگەننەن كەيىن SpaceX ۋكرايناعا  قىزمەتتەرىن ۇسىندى، ونىڭ سپۋتنيكتىك ينتەرنەتى جەرگىلىكتى بايلانىس ءۇشىن وتە ماڭىزدى ءرول  وينادى، ۋكراينا تارابىنىڭ اسكەري بايلانىس جانە دروندار شابۋىلى ءۇشىن الدىڭعى شەپتە دە، ودان تىس اۋماقتا دا اسا قاجەت قۇرالى بولدى.

ۋكراينانىڭ درون شابۋىلدارى سوعىستىڭ باسىندا-اق رەسەي اسكەري كۇشتەرىن قايران قالدىرىپ، رەسەي لوگيستيكاسىنا ءساتتى قىسىم جاساپ، ىرىقتى ورىنعا شىعارعان. 2022 جىلدان بەرگى ورىس اسكەرىنىڭ ادىمىن اشتىرماعان حەرسون مەن حاركوۆتاعى قارسى شابۋىلداردىڭ ءبارى دە Starlink ارقاسىندا مۇمكىن بولعان.

رەيتەر اگەنتتىگىنىڭ حابارلاۋىنشا، Starlink قازىرگى ۋاقىتتا رەسەي اۋماعىندا قىزمەت كورسەتپەيدى. ماسك ۋكرايندىقتارعا Starlink-ءتى ۋكراينا اۋماعىندا، سونىڭ ىشىندە رەسەي باسىپ العان ايماقتاردا پايدالانۋعا رۇقسات بەردى. ماسك سونىمەن قاتار رەسەي اسكەري كۇشتەرىنىڭ باسىپ الىنعان اۋماقتاردا Starlink تەرمينالدارىن پايدالانۋىنا تىيىم سالدى.

زەلەنسكي الدا يلون ماسك وزگەرىستەر ەنگىزىپ، ۋكراين دروندارىنىڭ رەسەي اۋماعىنا تەرەڭىرەك ەنىپ، رەسەيدىڭ اسكەري جانە ەكونوميكالىق نىساندارىنا سوققى بەرۋىنە مۇمكىندىك جاسايدى دەپ ۇمىتتەنەدى. الايدا، ماسك Starlink-ءتى پايدالانۋ اۋماعىن كەڭەيتۋ ايتارلىقتاي قاۋىپ توندىرەدى ءارى قاقتىعىستى كۇشەيتەدى دەپ سانايدى. زەلەنسكي ماسكتى كوندىرۋ ءۇشىن اق ۇيدەن كومەك سۇرادى، بىراق اقش تارابى  الى وڭدى جاۋاپ بەرگەن جوق.

Abai.kz