قىتاي-نەپال شەكاراسىندا ەكى قازاقستاندىق تۋريست ىزدەستىرىلىپ جاتىر...

تابيعي اپات بولعان نەپال مەن قىتاي شەكاراسىندا قازاقستاننىڭ ەكى ازاماتشاسى ىزدەستىرىلۋدە. بۇل تۋرالى سىرتقى ىستەر مينيسترلىگىنىڭ رەسمي وكىلى جانبولات ۇسەنوۆ حابارلادى.

بۇعان دەيىن ولاردىڭ ءبىرى تۋريستىك توپ قۇرامىندا ەكى ەل اراسىنداعى شەكارادان وتكەنى بەلگىلى بولعان ەدى.

«قر سىرتقى ىستەر مينيسترلىگى جەرگىلىكتى مەملەكەتتىك ورگاندارمەن جۇمىستى جالعاستىرۋدا، وتانداستارىمىزدىڭ تۋىستارىمەن تۇراقتى بايلانىس ورناتىلعان»، — دەدى جانبولات ۇسەنوۆ.

الەۋمەتتىك جەلىدە جوعالعان قازاقستاندىقتاردىڭ اتى-ءجونى جاريالاندى:

• اننا ششەربا (1982 جىلى تۋعان)

• يرينا بلونسكايا

سوڭعى مالىمەتتەرگە سايكەس، ايماقتاعى سۋ تاسقىنى سالدارىنان قازا تاپقاندار سانى 359 ادامعا جەتىپ، 1 400-دەن استام ادام ءىز-ءتۇزسىز جوعالعاندار تىزىمىندە تۇر. قر ءسىم جەرگىلىكتى بيلىك وكىلدەرىمەن بىرلەسىپ ىزدەۋ-قۇتقارۋ جۇمىستارىن باقىلاۋدا ۇستاپ وتىر.

Abai.kz