سپورت ءجۋرناليسى اسلان قاجەنوۆ گەننادي گولوۆكينمەن كەزدەسۋى كەزىندە بوكسشىنىڭ وزىنە «ۇياتسىز» («بەسستىجي») دەگەن ءسوز ايتقانىن مالىمدەدى. ول بۇل تۋرالى الەۋمەتتىك جەلىدەگى پاراقشاسىندا جازدى.

«وسىعان دەيىن گەننادي گولوۆكين تۋرالى بىردە-ءبىر نەگاتيۆ جازعان ەمەسپىن. كەرىسىنشە، وعان دەگەن قۇرمەتىم ەرەكشە بولاتىن. بۇگىن سونىڭ ءبارى نولگە ءتۇستى. بوكس سەسسياسىنان كەيىن امانداسىپ جاتسام، ماعان «بەسستىجىي» دەيدى. داڭقتى چەمپيون شىعارسىڭ، بىراق، ەڭ الدىمەن، ادام بولىپ قالۋ كەرەك»، – دەپ جازدى جۋرناليست.

اسلان قاجەنوۆ قازاقستان اتىنان حالىقارالىق جارىستاردا ونەر كورسەتەتىن سپورتشىلاردىڭ جەتىستىكتەرىنە قاتىستى جاۋاپكەرشىلىك بار ەكەنىن اتاپ ءوتتى.

«ءبىز بۇل جەردە بوسقا جۇرگەن جوقپىز. ءبىر ەلدىڭ اتىنان كەلگەن سوڭ، سول ەلدىڭ مۇددەسى ءۇشىن كۇيىپ-ءپىسىپ، سپورتشىلارىمىزبەن بىرگە قۋانىپ، بىرگە مۇڭايىپ جۇرگەن قازاقتىڭ بالاسىمىز. بىزدە دە نامىس بار، بىزدە دە ار بار»، – دەدى ول.

سونداي-اق جۋرناليست ءوزىنىڭ ايتقان سوزىنەن قايتپايتىنىن جەتكىزىپ، سپورت سالاسىنداعى ناقتى ماسەلەلەردى شەشۋگە شاقىردى.

«وسەك-اياڭعا ەرمەي، ناقتى جۇمىسپەن اينالىس! ۆيكتوريانىڭ جەڭىسىن قايتار! ياسمينانىڭ التىنىن قايتار! اتقاراتىن باسقا دا جۇمىس جەتەدى. ءوز ەلىڭنەن كەلگەن قاراكوزدەرگە ءتيىسىپ، ولاي مۇقاتا بەرمە! ناقتى ىسپەن اينالىس!» – دەپ تۇيىندەدى اسلان قاجەنوۆ.

Abai.kz