بىراق بۇل جايتتى دەنساۋلىق ساقتاۋ مينيسترلىگى جاسىرىپ وتىر

شوشقا تۇماۋى ەلىمىزگە تاعى شاپتى. كەشە اتىراۋدا قاتەرلى ۆيرۋستى جۇقتىرعان ءبىر ادام انىقتالدى. دوڭىز تۇماۋىن جۇقتىرعان 53 جاستاعى اقش ازاماتى بولىپ شىقتى. باتىستاعى «تەڭىزشەۆرويل» كومپانياسىندا جۇمىس جاسايتىن ول، 19-قاراشا كۇنى امستەردام-اتىراۋ-تەڭىز باعىتىنداعى اۋە رەيسىمەن ۇشىپ كەلىپتى.

الەمنىڭ ءار تۇكپىرىنەن بوي كورسەتىپ جاتقان دوڭىز تۇماۋى دەندەپ بارادى. بۇگىنگى تاڭدا عالامشاردا بۇل دەرت جەتى مىڭعا جۋىق  ادامدى جالماپ ۇلگەردى. ناقتىراق ايتساق، 6 770 ادام قۇربان بولدى. ءبىزدىڭ اينالامىزداعى كورشىلەرىمىز دە ا/H1N1 ۆيرۋسىنان زارداپ شەگىپ وتىر. ايىر قالپاقتىلار ەلىندە ءجۇز ادام تۇماۋراتىپ جاتىر. قازىر بىشكەكتەگى ورتا مەكتەپتەر كارانتينگە جابىلعان. سولتۇستىكتەگى كورشىمىز رەسەيدە دە دوڭىز تۇماۋى انىقتىلدى. انىقتالىپ قانا قويماي، ادام ولىمىنە سوقتىردى. يركۋتسك وبلىسىندا 57 جاستاعى ايەل ادام وسى جۇقپالى دەرتتەن قايتىس بولدى. رەسەيدىڭ وسى وڭىرىندە تاعى 116 ادام دوڭىز تۇماۋىن جۇقتىرىپتى.

بىراق بۇل جايتتى دەنساۋلىق ساقتاۋ مينيسترلىگى جاسىرىپ وتىر

شوشقا تۇماۋى ەلىمىزگە تاعى شاپتى. كەشە اتىراۋدا قاتەرلى ۆيرۋستى جۇقتىرعان ءبىر ادام انىقتالدى. دوڭىز تۇماۋىن جۇقتىرعان 53 جاستاعى اقش ازاماتى بولىپ شىقتى. باتىستاعى «تەڭىزشەۆرويل» كومپانياسىندا جۇمىس جاسايتىن ول، 19-قاراشا كۇنى امستەردام-اتىراۋ-تەڭىز باعىتىنداعى اۋە رەيسىمەن ۇشىپ كەلىپتى.

الەمنىڭ ءار تۇكپىرىنەن بوي كورسەتىپ جاتقان دوڭىز تۇماۋى دەندەپ بارادى. بۇگىنگى تاڭدا عالامشاردا بۇل دەرت جەتى مىڭعا جۋىق  ادامدى جالماپ ۇلگەردى. ناقتىراق ايتساق، 6 770 ادام قۇربان بولدى. ءبىزدىڭ اينالامىزداعى كورشىلەرىمىز دە ا/H1N1 ۆيرۋسىنان زارداپ شەگىپ وتىر. ايىر قالپاقتىلار ەلىندە ءجۇز ادام تۇماۋراتىپ جاتىر. قازىر بىشكەكتەگى ورتا مەكتەپتەر كارانتينگە جابىلعان. سولتۇستىكتەگى كورشىمىز رەسەيدە دە دوڭىز تۇماۋى انىقتىلدى. انىقتالىپ قانا قويماي، ادام ولىمىنە سوقتىردى. يركۋتسك وبلىسىندا 57 جاستاعى ايەل ادام وسى جۇقپالى دەرتتەن قايتىس بولدى. رەسەيدىڭ وسى وڭىرىندە تاعى 116 ادام دوڭىز تۇماۋىن جۇقتىرىپتى.

ەندى، مىنە،  قازاقستانعا شوشقا تۇماۋى قايتا اينالىپ سوقتى. ەلىمىزدە العاش رەت شىلدە ايىندا دوڭىز تۇماۋى بۇرق ەتكەن بولاتىن. لوندونعا وقۋعا بارىپ كەلگەن وقۋشىلاردىڭ ۇشەۋىنىڭ ۆيرۋس جۇقتىرعانىن بيلىك رەسمي مويىنداعان. بۇدان كەيىن دە شەت ەلگە بارىپ كەلگەن قازاقستاندىقتاردان ا/H1N1 ۆيرۋسى انىقتالدى. العاشىندا وتاندىق باق-تار ءبىراز شۋلاعانىمەن، كەيىن تىنىشتالىپ قالدى. ولاي بولۋعا رەسپۋبليكالىق سانيتارلىق-ەپيدەميولوگيالىق ستانسا ديرەكتورى باۋىرجان بايسەركيننىڭ ءبىر اۋىز ءۋاجى اسەر ەتكەن سەكىلدى.

- وسى جازدا شەت ەلدەردەن دوڭىز تۇماۋىن جۇقتىرىپ كەلگەن 17 ادام ءتيىستى ەم-دومىن الىپ جازىلىپ شىقتى. قازىر ولاردىڭ بارلىعى ءدىن امان. ەلدەگى جاعدايدى باقىلاۋعا الدىق! - دەگەن ەدى باۋىرجان بايسەركين مىرزا.

الايدا ەل تۇرعىندارىندا ۇرەيدىڭ ءالى دە بار ەكەنى بايقالادى. ويتكەنى، ءدارىحانالاردا مەديتسينالىق ماسكالاردىڭ جاقسى ءوتۋى، ءتىپتى كەيبىرەۋلەرىنەن تابىلماي قالۋى وسىنداي ويعا جەتەلەيدى. بالكىم، بۇل ساقتىق شارالارى شىعار. قۇداي، «ساقتانساڭ عانا ساقتايمىن!» دەگەن.

ايتسە دە بىزدە وسى ۆيرۋستى جاسىرىپ وتىرعانعا ۇقسايدى. دەنساۋلىق سالاسىندا قىزمەت اتقاراتىن سەنىمدى دەرەككوزدەن تۇسكەن مالىمەتكە سۇيەنسەك، سوڭعى ءۇش اپتادا ەلىمىزدە ءونبىر جۇكتى ايەل دوڭىز تۇماۋىنان كوز جۇمىپتى. بۇل وقيعا شىمكەنت، قاراعاندى، استانا قالالارىندا بولعان. دۇيسەنبى كۇنى وسى ماسەلە جونىندە استاناداعى انالار مەن بالالاردىڭ ۇلتتىق-عىلىمي ورتالىعىندا جابىق ەسىك ارتىنداعى جيىن وتكەن. قازىر، قايتىس بولعان انالاردىڭ دەنەلەرى زەرتتەلىپ، ناقتى دياگنوزدارى انىقتالۋدا. مامانداردىڭ الدىن الا بولجامدارى بويىنشا، ءونبىر انامەن ولاردىڭ قۇرساقتارىنداعى قىزىلشاقالاردى جالماعان دەرت دوڭىز تۇماۋى بولۋى ابدەن ىقتيمال. ايتسە دە، دەنساۋلىق ساقتاۋ مينيسترلىگىنىڭ ءباسپاسوز قىزمەتى بۇل اقپاراتتى راستاماي وتىر.

مىنە، وسى دەرەكتەرگە قاراعاندا بىزدە دوڭىز تۇماۋىن جاسىرىپ وتىرعانعا ۇقسايدى دەگەنىمىز بەكەر ەمەس سياقتى. «اۋرۋىن جاسىرعان ولەدى» دەمەكشى، دەنساۋلىق سالاسىنداعى باسشىلار جوعارىداعى بيلىككە جاعامىز دەپ ءجۇرىپ دەرتتى اسقىندىرىپ الماسا بولعانى. ونىڭ زاردابىن حالىق تارتادى.

ايتپاقشى، مونعوليانىڭ دارىگەرلەرى دوڭىز تۇماۋىنان ساقتانۋدىڭ بىردەن-ءبىر جولى رەتىندە حالقىنا جىلقى ەتىن جەۋگە كەڭەس بەرىپتى. ويتكەنى، جىلقى ەتى يممۋنيتەتتى جوعارىلاتىپ، ادام اعزاسىنداعى جىلۋدى ساقتاپ تۇرادى ەكەن. سوندىقتان، اقحالاتتىلارعا سەنبەيتىندەر جىلقى ەتىن كوبىرەك تۇتىنعاندارى ءجون بولار.

اسىرەسە، اياعىاۋىر انالار مەن بالالاردىڭ قۇلاعىنا التىن سىرعا!

«اباي-اقپارات»