ينتەرنەت-ايتىس
ايتىس قازاق ءۇشىن ەڭ قاسيەتتى سانالاتىن جەلتوقسان كوتەرىلىسى مەن تاۋەلسىزدىك كۇنىن ءتاۋ ەتۋگە ارنالادى.
تاقىرىبى - «قازاق - ەلدىڭ دە، جەردىڭ دە ەگەسى».
ايتىس ەكى كەزەڭنەن تۇرادى. ءبىرىنشى كەزەڭدە قاتىسۋعا تىلەك بىلدىرگەن اقىندار ەكى توپقا بولىنەدى. ءار توپتاعى اقىندار ەكى-ەكىدەن ءوزارا قارسىلاس بولادى. ونلاين-رەجيمدە اقىندار «اباي.كز» سايتىنىڭ ارنايى جاسالعان تەرەزەسىندە كەزدەسەدى. ءار جۇپ جەكە تەرەزەدە ايتىسادى. ايتىس باستالعان سوڭ ءار اقىننىڭ ءوز قارسىلاسىنا جاۋابىن جازۋىنا 10 مينۋت ۋاقىت بەرىلەدى. وسى ارالىقتا ءار اقىن ءوز ويىن 10 شۋماققا سىيعىزىپ جازىپ شىعۋى ءتيىس. وقىرماندار ءبىر مەزگىلدە كەز كەلگەن جۇپتىڭ ايتىسىنىڭ بارىسىن وقي الادى جانە پىكىرلەرىن قالدىرىپ وتىرۋ مۇمكىندىگىنە يە. ايتىس 2 ساعاتقا سوزىلادى.
اقىنداردىڭ قارىمىن باعالاۋعا ءادىل قازىلار القاسى تاعايىندالادى جانە وقىرماندار دا داۋىس بەرەدى. ءادىل قازىلاردىڭ مەن وقىرمانداردىڭ داۋىسى 50/50 بولۋى ءتيىس. پايىزدىق ەسەپتەۋ ارقىلى قاي اقىننىڭ باسىم تۇسكەنى انىقتالادى. داۋىس بەرۋى اقىنداردىڭ اتىن كۋرسورمەن باسۋ ارقىلى جۇزەگە اسادى. ءار توپتىڭ جەڭىمپازى داۋىس سانىنا جانە ءادىل قازىلاردىڭ باعاسىنا ساي انىقتالادى. جەڭىمپازدار ءوزارا ەكىنشى كەزەڭدە ايتىسادى. ولاردى باعالاۋ ءبىرىنشى كەزەڭدەگى تاسىلمەن جۇزەگە اسادى.
ايتىستا كوتەرىلەتىن ماسەلەلەر:
Ø قازاق حاندارىنىڭ ەسكەرتكىشى دالادا نەگە قالدى؟
ايتىس قازاق ءۇشىن ەڭ قاسيەتتى سانالاتىن جەلتوقسان كوتەرىلىسى مەن تاۋەلسىزدىك كۇنىن ءتاۋ ەتۋگە ارنالادى.
تاقىرىبى - «قازاق - ەلدىڭ دە، جەردىڭ دە ەگەسى».
ايتىس ەكى كەزەڭنەن تۇرادى. ءبىرىنشى كەزەڭدە قاتىسۋعا تىلەك بىلدىرگەن اقىندار ەكى توپقا بولىنەدى. ءار توپتاعى اقىندار ەكى-ەكىدەن ءوزارا قارسىلاس بولادى. ونلاين-رەجيمدە اقىندار «اباي.كز» سايتىنىڭ ارنايى جاسالعان تەرەزەسىندە كەزدەسەدى. ءار جۇپ جەكە تەرەزەدە ايتىسادى. ايتىس باستالعان سوڭ ءار اقىننىڭ ءوز قارسىلاسىنا جاۋابىن جازۋىنا 10 مينۋت ۋاقىت بەرىلەدى. وسى ارالىقتا ءار اقىن ءوز ويىن 10 شۋماققا سىيعىزىپ جازىپ شىعۋى ءتيىس. وقىرماندار ءبىر مەزگىلدە كەز كەلگەن جۇپتىڭ ايتىسىنىڭ بارىسىن وقي الادى جانە پىكىرلەرىن قالدىرىپ وتىرۋ مۇمكىندىگىنە يە. ايتىس 2 ساعاتقا سوزىلادى.
اقىنداردىڭ قارىمىن باعالاۋعا ءادىل قازىلار القاسى تاعايىندالادى جانە وقىرماندار دا داۋىس بەرەدى. ءادىل قازىلاردىڭ مەن وقىرمانداردىڭ داۋىسى 50/50 بولۋى ءتيىس. پايىزدىق ەسەپتەۋ ارقىلى قاي اقىننىڭ باسىم تۇسكەنى انىقتالادى. داۋىس بەرۋى اقىنداردىڭ اتىن كۋرسورمەن باسۋ ارقىلى جۇزەگە اسادى. ءار توپتىڭ جەڭىمپازى داۋىس سانىنا جانە ءادىل قازىلاردىڭ باعاسىنا ساي انىقتالادى. جەڭىمپازدار ءوزارا ەكىنشى كەزەڭدە ايتىسادى. ولاردى باعالاۋ ءبىرىنشى كەزەڭدەگى تاسىلمەن جۇزەگە اسادى.
ايتىستا كوتەرىلەتىن ماسەلەلەر:
Ø قازاق حاندارىنىڭ ەسكەرتكىشى دالادا نەگە قالدى؟
Ø «ەل بىرلىگى» دوكتريناسى ەل بىرلىگىن نىعايتا الا ما؟
Ø جەلتوقسان قۇرباندارى نە ءۇشىن شەيىت بولدى؟
Ø قازاق ءتىلىنىڭ بولاشاعى كىمنىڭ قولىندا؟
Ø تاۋەلسىزدىگىمىزدى تاۋبەمىز ساناي الدىق پا؟
ايتىستىڭ ءبىرىنشى كەزەڭى 14-جەلتوقسان كۇنى ساعات 15.00-17.00 ارالىعىندا، ەكىنشى كەزەڭى 15-جەلتوقسان كۇنى ساعات 11.00-13.00 دە وتەدى.
قۇرمەتتى وقىرمان، ينتەرنەت-ايتىسقا ەسىم-سويى ەلگە ءمالىم اقيىق اقىنداردىڭ قايسىسى تۇسسە ەكەن دەپ تىلەيسىز. ۇسىنىس، پىكىرلەرىڭىز بولسا جولداي بەرىڭىزدەر. ايتىسقا قاتىسامىن دەيتىن اقىنداردىڭ بۇركەمە اتپەن شىعۋىنا دا ەرىك بەرىپ وتىرمىز. ويتكەنى باستى باسپاقشىل ەتكەن حال تىلگە تيەك بولۋى مۇمكىن. وسى ارادا ەسكەرتەرىمىز، ءبىز اقىنداردى جازبا پوەزيانىڭ وكىلى نەمەسە سۋىرىپ سالما ايتىسكەر دەپ بولمەيمىز.
ال، اقىندار، قاپى قالماڭىزدار. بۇگىنگى اقپاراتتىق تەحنولوگيانىڭ جەتىستىگىن يەن پايدالانىپ، ەلگە ايتارىڭدى ايتىپ قال، اقتارىلىپ، ارىلىپ قال.
«اباي-اقپارات»
