استانا قالاسىنىڭ بۇرىنعى اكىمى اسقار ءماميننىڭ تۇسىندا ماقۇلدانىپ، ەسكەرتكىش-مۇسىندەرى قىتايدا جاسالعان جانىبەك پەن كەرەيدىڭ «قازاق ەلى» مونۋمەنتىنەن ورىن تاپپاعانى قوعامدا نارازىلىق تۋدىرعان بولاتىن.  مۇسىندەردىڭ اتالعان كەشەنگە كەلىپ «قونىستانۋىنا» قارسىلىق تانىتقان تاراپ الدىمەن الگى ساۋلەت دۇنيەسىنىڭ ساپاسىزدىعىن، ءباھادۇر حاندارىمىزدىڭ قىتاي بيلەۋشىلەرىنە ۇقساپ كەتكەنىن ايتىپ وتىرىپ العان. ۇلى حانداردىڭ قاسىنداعى باتىرلاردىڭ  بەت الپەتتەرىنەن دە دالا سايىپقىراندارىنان گورى قىتاي سىقپىتىن كورە قالعاندار دا سول  ەسكەرتكىش-مۇسىندەردى «قازاق ەلى»  مونۋمەنتىنە قويۋعا قارسىلىق  بىلدىرگەندەر ەدى. سونداي قارسىلىققا بايلانىستى ەل ءىشى دۇرلىگىسىپ كەتكەندە جاق اشپاعان رەسمي تۇلعالار جاعدايدىڭ ۋشىعىپ كەتەرىن باعامداعان سوڭ بارىپ ساۋلەتشىلەردى الدىعا سالىپ ماسەلەنىڭ ءمان-جايىن كوپكە تۇسىندىرۋگە تىرسىتى. سوندا دەيمىز-اۋ، جۋرناليستەر جازباسا، جاستار شۋلاپ سۇراماسا، استانا بيلىگى ءجۇز ميلليون تەڭگەگە جاسالعان تاريحي جادىگەردى كۇرەسىنگە كۇرەپ تاستاپ قاراپ وتىرا بەرمەك پە ەدى؟..

استانا قالاسىنىڭ بۇرىنعى اكىمى اسقار ءماميننىڭ تۇسىندا ماقۇلدانىپ، ەسكەرتكىش-مۇسىندەرى قىتايدا جاسالعان جانىبەك پەن كەرەيدىڭ «قازاق ەلى» مونۋمەنتىنەن ورىن تاپپاعانى قوعامدا نارازىلىق تۋدىرعان بولاتىن.  مۇسىندەردىڭ اتالعان كەشەنگە كەلىپ «قونىستانۋىنا» قارسىلىق تانىتقان تاراپ الدىمەن الگى ساۋلەت دۇنيەسىنىڭ ساپاسىزدىعىن، ءباھادۇر حاندارىمىزدىڭ قىتاي بيلەۋشىلەرىنە ۇقساپ كەتكەنىن ايتىپ وتىرىپ العان. ۇلى حانداردىڭ قاسىنداعى باتىرلاردىڭ  بەت الپەتتەرىنەن دە دالا سايىپقىراندارىنان گورى قىتاي سىقپىتىن كورە قالعاندار دا سول  ەسكەرتكىش-مۇسىندەردى «قازاق ەلى»  مونۋمەنتىنە قويۋعا قارسىلىق  بىلدىرگەندەر ەدى. سونداي قارسىلىققا بايلانىستى ەل ءىشى دۇرلىگىسىپ كەتكەندە جاق اشپاعان رەسمي تۇلعالار جاعدايدىڭ ۋشىعىپ كەتەرىن باعامداعان سوڭ بارىپ ساۋلەتشىلەردى الدىعا سالىپ ماسەلەنىڭ ءمان-جايىن كوپكە تۇسىندىرۋگە تىرسىتى. سوندا دەيمىز-اۋ، جۋرناليستەر جازباسا، جاستار شۋلاپ سۇراماسا، استانا بيلىگى ءجۇز ميلليون تەڭگەگە جاسالعان تاريحي جادىگەردى كۇرەسىنگە كۇرەپ تاستاپ قاراپ وتىرا بەرمەك پە ەدى؟..

ەشتەن قاشاندا كەش جاقسى. وتكەن جەلتوقسان ايىندا جانىبەك پەن كەرەيدىڭ ەسكەرتكىش-مۇسىندەرىنە بايقاۋ  جاريالاعان استانا قالاسىنىڭ اكىمشىلىگى قۇلاققا جاعىمدى جاڭالىعىمەن ەل ءىشىن ەلەڭ ەتكىزدى. ناقتى دەرەك كوزىنە سۇيەنسەك، قازاق مەملەكەتىنىڭ ىرگەسىن بەكىتكەن جانىبەك پەن كەرەيدىڭ ەسكەرتكىشى ەلورداداعى «حان شاتىردا» تۇراتىن بولدى! ازىرگە ەسكيز-يدەيا تۇرىندە وتكەن بايقاۋدىڭ جەڭىمپازى رەتىندە رينات ابەنوۆتىڭ ەسىمى اتالىپ جاتىر. ەكىنشى ورىن ەدىگە راحماديەۆكە بۇيىرىپتى. ءۇشىنشى ورىندى توقتار ەرمەكوۆ، باقىتجان ابىشەۆ، ەسكەن سىرگەباەۆتار ءوزارا بولىسكەنگە ۇقسايدى.

استانادا تاعى ءبىر ەڭسەلى ەسكەرتكىش بوي كوتەرەتىن ءتۇرى بار. ول ۇلى ويشىل، حاكىم اتامىز  اباي ەسكەرتكىشى! بۇل ەسكەرتكىش-مۇسىنگە دە الدىن الا بايقاۋ جاريالانىپ، جۇلدەگەر ەسكيز-يدەيا بويىنشا تىڭعىلىقتى جۇمىس باستالعانعا ۇقسايدى. «بۇدان بىلاي بارلىق ەسكەرتكىشتەر مەملەكەتتىك كوميسسيانىڭ الدىنا بارعانشا وسىنداي جان-جاقتى سۇزگىدەن وتۋگە ءتيىس « دەيدى  قازىلار القاسىنىڭ مۇشەسى، استانانىڭ باس ديزاينەرى ساعىندىق جانبولاتوۆ مىرزا. جانبولاتوۆ مىرزانى سۇيسىندىرگەن جانىبەك پەن كەرەي ەسكەرتكىشىنىڭ ەسكيزىندە اعا حان ەرتوقىمنىڭ ۇستىنە جايعاسىپتى.  «ول كەزدە حاندار وتىراتىن تاق  كوشپەندىلەردە بولماعان» دەپ تۇسىندىرەدى جانىبەك حاننىڭ ەردى «ەرتتەپ مىنگەن»  ءتۇرىن جۋرناليستەرگە تۇسىندىرگەن باس ديزاينەر. حانداردىڭ ەسكەرتكىش-مۇسىندەرىندە وزبەك ۇلىسىنان ءبولىنىپ شىققان كەزدەگى كيىز تۋىرلىقتى قازاقتىڭ كيىم كيىسى، قارۋ-جاراعى، ءتىپتى شاش قويىسىنا دەيىن تالقىلاناتىن كورىنەدى.
-ءبىز سول ءۇشىن كوشپەلى ەل تاريحىنىڭ بىلگىرى، ەتونوگراف-عالىم  ميحايل گورەليكتى كەڭەسشىلىككە شاقىردىق، - دەيدى ساعىندىق جانبولاتوۆ.

سونىمەن حاندار «حان شاتىردا» تۇراتىن بولدى. ال اباي ەسكەرتكىشى اباي داڭعىلى مەن بەيبىتشىلىك كوشەسىنىڭ قيىلىسىنداعى سپورت جانە تۋريزم مينيسترلىگىنىڭ الدىندا ەڭسە تىكتەمەك.

«اباي-اقپارات»