قازاقستان رەسپۋبليكاسىنىڭ
پرەزيدەنتى ن.ءا.نازارباەۆقا

قازاقستان رەسپۋبليكاسىنىڭ
پرەمەر-ءمينيسترى ك.ق.ماسىموۆكە

قازاقستان رەسپۋبليكاسىنىڭ
پارلامەنتى دەپۋتاتتارىنا

اشىق حات

قازاقستان رەسپۋبليكاسى - ساياسي-تاريحي سەبەپتەرمەن كىندىك وتانى قازاقستاننان قيلى كەزەڭدەردە كوز جازىپ قالىپ، الەمنىڭ ءتۇرلى مەملەكەتتەرىندە قونىستانعان كۇللى قازاق ازاماتتارىنىڭ  تاعدىرىنا تولىقتاي جاۋاپتى.

قازاقستان تاۋەلسىزدىك العان 1991 جىلدان بەرى ۇزبەي جۇرگىزىلىپ كەلە جاتقان شەتەلدەگى قازاقتاردى تاريحي وتانىنا قايتارۋعا باعىتتالعان كوشى-قون ساياساتى  سونىڭ ايعاعى.

الايدا، الاش جۇرتىنىڭ ازاتتىق ءۇشىن كۇرەسى مەن سول جولدا تارتقان ازابى مەن تاۋقىمەتىنىڭ ءسىرى تاعدىرى ىسپەتتەس قالامگەر قاجىعۇمار شابدانۇلىنىڭ كىندىك كەسكەن مەكەنى قازاقستانعا كەلۋ ارمانى ورىندالماي وتىر.

قاجىعۇمار شابدانۇلى 1925 جىلى قازىرگى شىعىس قازاقستان وبلىسى، تاڭسىق دەگەن جەردە دۇنيەگە كەلگەن. 1931-1933 جىلدارداعى اشارشىلىق القىمنان العان تۇستا، وتانىنان ايىرىلىپ امالسىز اتا-اناسىمەن قىتايعا اۋىپ بارعان.

قازاقستان رەسپۋبليكاسىنىڭ
پرەزيدەنتى ن.ءا.نازارباەۆقا

قازاقستان رەسپۋبليكاسىنىڭ
پرەمەر-ءمينيسترى ك.ق.ماسىموۆكە

قازاقستان رەسپۋبليكاسىنىڭ
پارلامەنتى دەپۋتاتتارىنا

اشىق حات

قازاقستان رەسپۋبليكاسى - ساياسي-تاريحي سەبەپتەرمەن كىندىك وتانى قازاقستاننان قيلى كەزەڭدەردە كوز جازىپ قالىپ، الەمنىڭ ءتۇرلى مەملەكەتتەرىندە قونىستانعان كۇللى قازاق ازاماتتارىنىڭ  تاعدىرىنا تولىقتاي جاۋاپتى.

قازاقستان تاۋەلسىزدىك العان 1991 جىلدان بەرى ۇزبەي جۇرگىزىلىپ كەلە جاتقان شەتەلدەگى قازاقتاردى تاريحي وتانىنا قايتارۋعا باعىتتالعان كوشى-قون ساياساتى  سونىڭ ايعاعى.

الايدا، الاش جۇرتىنىڭ ازاتتىق ءۇشىن كۇرەسى مەن سول جولدا تارتقان ازابى مەن تاۋقىمەتىنىڭ ءسىرى تاعدىرى ىسپەتتەس قالامگەر قاجىعۇمار شابدانۇلىنىڭ كىندىك كەسكەن مەكەنى قازاقستانعا كەلۋ ارمانى ورىندالماي وتىر.

قاجىعۇمار شابدانۇلى 1925 جىلى قازىرگى شىعىس قازاقستان وبلىسى، تاڭسىق دەگەن جەردە دۇنيەگە كەلگەن. 1931-1933 جىلدارداعى اشارشىلىق القىمنان العان تۇستا، وتانىنان ايىرىلىپ امالسىز اتا-اناسىمەن قىتايعا اۋىپ بارعان.

قاجىعۇمار شابدانۇلى ومىرىمەن، ىسىمەن قازاق بالاسىنىڭ ار-ۇياتىنا اينالعان رۋحاني تۇلعا. ءار كەزەڭدە قىتايدا جۇرگىزىلگەن سولاقاي ساياساتتىڭ كەسىرىنەن قاجىعۇمار شابدانۇلى عۇمىر بويى قۋعىن مەن اباقتىدان كوز اشپاي كەلەدى.

قاجىعۇمار شابدانۇلى ناقاقتان-ناقاق  تاكلاماكان شولىندەگى تارىم لاگەرىندە 22 جىل، ءۇرىمجىنىڭ ءنومىرى ءبىرىنشى تۇرمەسىندە 13 جىل تۇتقىندا بولعان ادام. ءۇرىمجى تۇرمەسىنەن كەسىلگەن مەرزىمىن وتەپ شىققاننان بەرى قىتايدىڭ شىڭجاڭ ۇيعىر اۆتونوميالى اۋدانىنا قاراستى شاۋەشەك قالاسىنداعى ءوز ۇيىندە مىرزاقاماقتا وتىر. قاجىعۇمار شابدانۇلىنىڭ وتانىنان قول ۇزگەننەن بەرى كورگەنى تەك تۇرمە.

ءبىز بارشى الاش جاستارى قاجىعۇمار شابدانۇلىنىڭ اتامەكەنىنە قايتۋى ءۇشىن تومەندەگى ءىس-شارالاردىڭ ورىندالۋىن ءبىراۋىزدان تالاپ ەتەمىز:

1. قر پرەزيدەنتى قاجىعۇمار شابدانۇلىنىڭ 2010 جىلى ەلگە ورالۋىنا تىكەلەي ءوزى جاۋاپتانىپ ءارى وسى جولدا اتقارىلاتىن جۇمىستاردى باقىلاۋىنا الۋى كەرەك;

2. قازاقستاننىڭ ەقىۇ-نا توراعالىعى كەزىندە قر سىرتقى ىستەر مينيسترلىگى ەۋروپانىڭ ادام قۇقىقتارى جونىندەگى ۇيىمدارىنىڭ نازارىن قاجىعۇمار شابدانۇلىنىڭ تاعدىرىنا اۋدارىپ، قاجىعۇمار شابدانۇلىنىڭ قىتاي وكىمەتى تاراپىنان تولىقتاي اقتالۋىنا جۇمىس ىستەۋى ءتيىس;

3. قر ۇكىمەتى ەكى ەل اراسىنداعى ساياسي-ەكونوميكالىق قارىم-قاتىناستى پايدالانا وتىرىپ، قاجىعۇمار شابدانۇلىنىڭ 2010 جىلدىڭ ىشىندە وتانىنا قايتارىلۋىن قىتاي وكىمەتىنەن ديپلوماتيالىق جولمەن تالاپ ەتۋى قاجەت;

4. قر پارلامەنتى قاجىعۇمار شابدانۇلىنىڭ ەلگە ورالۋىنا ارنايى ءىس-شارالاردىڭ قولعا الىنۋىن قاراستىرۋى ءتيىس;

5. 2010 جىلعى قر ادەبيەت جانە ونەر سالاسى بويىنشا سىيلىقتى قاجىعۇمار شابدانۇلىنىڭ «قىلمىس» رومانىنا بەرۋ جونىندە مەملەكەتتىك كوميسسيا شەشىم قابىلداۋى ءتيىس.

قازاقتى ءبىرتۇتاس ۇلت جانە ءار قازاقتىڭ تاعدىرى ءوز تاعدىرىمەن تامىرلاس دەپ بىلەتىن الاش بالاسىن اشىق حاتتى قولداۋعا شاقىرامىز!

ءبىر قازاق - بار قازاق. بار قازاق - ءبىر قازاق!

ەسكەرتۋ: اشىق حاتتى قولداۋعا نيەت بىلدىرسەڭىز اتى جونىڭىزگە قوسا ەلەكتروندى پوشتاڭىزدى قوسا جولداڭىز.

«اباي-اقپارات»